आता फक्त OnePlus 13 लॉन्च होण्याची प्रतीक्षा; डिझाईनसह काही फीचर्स झाले लीक; वाचा सविस्तर

OnePlus Smartphone : याशिवाय X च्या या पोस्टमध्ये OnePlus 13 चे काही फीचर्स आणि डिझाइन देखील समोर आले आहे.

OnePlus Smartphone (Image Source : Google)

OnePlus Smartphone : OnePlus या कंपनीने या वर्षाच्या सुरुवातीला म्हणजेच जानेवारी महिन्यात भारतात OnePlus 12 ची सीरिज लॉन्च केली होती. आता अवघ्या 3-4 महिन्यात कंपनीने नवीन स्मार्टफोन (Smartphone) म्हणजेच OnePlus 13 च्या लॉन्चिंगची तयारी सुरु केली आहे. या स्मार्टफोनबाबत काही माहिती लीक झाली आहे. 

OnePlus 13 चे फिचर्स लीक

मिळालेल्या माहितीनुसार, OnePlus 13 चे काही फीचर्स लीक झाले आहेत. OnePlus चे बॅक डिझाईन चेंज करण्यात आलं आहे. तसेच, हा स्मार्टफोन पोस्टनुसर, 13 ऑक्टोबर 2024 रोजी लॉन्च होणार असल्याचं दिसतंय.  

OnePlus 13 will launch in October 2024 with the launch of Snapdragon 8Gen 4!

The rear camera design on OnePlus 13 has been changed pic.twitter.com/rwMJQoMCPk

— OnePlus Club (@OnePlusClub) March 5, 2024

याशिवाय X च्या या पोस्टमध्ये OnePlus 13 चे काही फीचर्स आणि नवीन डिझाईन देखील समोर आले आहे. पोस्टनुसार, OnePlus फोनच्या मागील बाजूस असलेल्या कॅमेरा मॉड्यूलचे डिझाईन बदलणार आहे.

कॅमेरा डिझाईन बदलणार!

OnePlus 13 will get major camera redesign, the hinge is gone!
This allows OnePlus to add IP68 rating!

Are you happy?#OnePlus #OnePlus13 pic.twitter.com/YhOkrTonSz

— OnePlus Club (@OnePlusClub) March 28, 2024

पूर्वीच्या OnePlus 12 मध्ये कंपनीने मागच्या बाजूस मोठ्या आकाराचा गोलाकार कॅमेरा (Camera) मॉड्यूल दिला होता. पण, आता OnePlus 13 च्या स्मार्टफोनमध्ये कंपनीने एक व्हर्टिकल आकाराचा कॅमेरा मॉड्युल दिला आहे. OnePlus Club ने शेअर केलेल्या फोटोत असं दिसतं की मागच्या डाव्या बाजूला एक लांब कॅमेरा मॉड्यूल आहे, ज्याच्या मध्यभागी मुख्य कॅमेरा सेन्सर आहे आणि त्या ठिकाणी कॅमेरा मॉड्युल देखील थोडेसे बाहेरच्या बाजूने फ्लिप आहे. या फोनच्या कॅमेरा सेटअपच्या शेजारी एक व्हर्टिकल डिझाईन केलेला एलईडी फ्लॅश लाईट दिसतोय.  

याशिवाय, फोनच्या डाव्या बाजूला व्हॉल्यूम रॉकर्स आणि पॉवर बटण दिले जाणार असल्याचे दिलेल्या फोटोमध्ये स्पष्टपणे दिसून येत आहे. या व्यतिरिक्त वनप्लस क्लबने (OnePlus Club) आज एक नवीन पोस्ट शेअर केली आहे, ज्यामध्ये असा दावा करण्यात आला आहे की वनप्लस 13 पाणी आणि धूळपासून संरक्षण करण्यासाठी IP68 रेटिंगने सुसज्ज असेल. तसेच, येत्या काही आठवड्यांत फोनच्या संदर्भात आणखी माहिती मिळेल अशी अपेक्षा आहे.

महत्त्वाच्या बातम्या :