How to Transfer E-Sim: फक्त iPhone नाही तर आता Android युजर्सही ट्रान्सफर करू शकतात E-SIM, जाणून घ्या कसे?
फक्त iPhone नाही तर आता Android E-SIMयुजर्सही ट्रान्सफर करू शकणार आहात. त्यामुळे आता android युजर्सही E-sim वापरु शकणार आहात. हे कसं वापरायचं पाहूयात...
How to Transfer E-Sim: पूर्वी फक्त फिजिकल सिमकार्डचा वापर (Smartphone) केला जात होता. मात्र, आता काही लोकांनी ई-सिम कार्ड (Sim) वापरण्यास सुरुवात केली आहे. या डिजिटल काळात आणि सायबर क्राईमच्या युगात प्रायव्हसी आणि सुरक्षेसाठी फिजिकलपेक्षा ई-सिमकार्ड चांगलं आहे. सध्या भारतात मोजकेच लोक ई-सिमकार्ड वापरतात, पण हळूहळू त्याचे युजर्स वाढत आहेत. भारतातील तिन्ही प्रमुख टेलिकॉम कंपन्या ई-सिम सुविधा देतात. अॅपल बऱ्याच काळापासून आपल्या आयफोनमध्ये ई-सिमची सुविधा देत आहे.
काही अँड्रॉइड स्मार्टफोनमध्येही हे उपलब्ध आहे. मात्र, सध्या अँड्रॉइडची समस्या अशी आहे की, युजर्स सहजपणे एका मोबाइलवरून दुसऱ्या मोबाइलमध्ये ई-सिम ट्रान्सफर करू शकत नाहीत. त्यासाठी त्यांना मॅन्युअल मेसेज पाठवून संपूर्ण प्रक्रिया करावी लागते. पण हे सगळं लवकरच बदलणार आहे. अँड्रॉइड डिव्हाइससाठी गुगल अँड्रॉइड 14 वरून हा पर्याय देत आहे. यापूर्वी हे फीचर फक्त पिक्सल डिव्हाइसपुरते मर्यादित होते, जे आता इतर अँड्रॉइड फोनमध्येही उपलब्ध आहे. मात्र ही सुविधा अजून मोठ्या स्तरावर रोलआउट करण्यात आलेली नाही.
डेटा कसा ट्रान्सफर कराल?
अँड्रॉइड ऑथॉरिटीच्या रिपोर्टनुसार, एका युजरने आपला सॅमसंग गॅलेक्सी एस 24 अल्ट्रा सेट करताना त्याच्या एलजी व्ही 60 थिनक्यूमध्ये ई-सिम ट्रान्सफरचा पर्याय पाहिला. तसेच गॅलेक्सी फोनमधून गुगल पिक्सेल डिव्हाइसवर ई-सिम ट्रान्सफरचा पर्यायही दिसत होता. यापूर्वी जेव्हा सॅमसंगने वन यूआय 5.1 अपडेट जारी केले होते, तेव्हा सॅमसंग फोनदरम्यान फक्त ई-सिम ट्रान्सफर करण्याचा पर्याय होता. मात्र, आता सॅमसंगच्या नव्या अपडेटने या फीचरमध्ये बदल केला असून नॉन गॅलेक्सी युजर्सही ई-सिम क्यूआर कोड स्कॅन करून दुसऱ्या डिव्हाइसवर ट्रान्सफर करू शकतात.
एका फोनमधून दुसऱ्या फोनमध्ये ई-सिम ट्रान्सफर करण्यासाठी नव्या फोनमधून जुन्या फोनचा क्यूआर कोड स्कॅन करावा लागतो. प्रक्रिया पूर्ण झाल्यानंतर तुमचे सिमकार्ड नवीनमध्ये अॅक्टिव्हेट होते. प्रक्रिया पूर्ण होईपर्यंत तुम्ही जुन्या डिव्हाइसवर सिमकार्ड वापरू शकता. गुगलने MWC 2023 मध्ये ई-सिम ट्रान्सफर टूलबद्दल सांगितले होते. आता सॅमसंगकडून दुसऱ्या डिव्हाइसमध्ये हा पर्याय मिळणे म्हणजे कंपनी हळूहळू तो सर्वांसमोर आणणार आहे. सध्या पिक्सल आणि सॅमसंगच्या नव्या फोनमधील हा पर्याय लोकांना मिळत आहे.
इतर महत्वाची बातमी-
महत्त्वाच्या बातम्या
