Apple Launch 2025: ॲपलच्या नवीन iPhone 17 च्या डिझाईनमध्ये मोठा बदल, स्मार्टवॉच आणि AirPods Pro 3 मध्येही नवे फिचर्स
ॲपलचा वार्षिक शो म्हणजे “Awe Dropping” इव्हेंट उद्या (9 सप्टेंबर) रात्री भारतीय वेळेनुसार 10.30 वाजता होणार आहे.
Apple iPhone 17:ॲपल या वर्षातील सर्वात मोठा उत्पादन लॉन्च इव्हेंट मंगळवारी, 9 सप्टेंबर रोजी घेणार आहे. या इव्हेंटमध्ये कंपनी आपल्या नवीन iPhone 17 सह Apple Watch, AirPods Pro 3 आणि इतर अॅक्सेसरीजची घोषणा करेल. या लॉन्चच्या माध्यमातून ॲपल, सॅमसंग, गुगल आणि चीनमधील Huawei, Xiaomi यांसारख्या स्पर्धकांशी सामना देण्याचा प्रयत्न करत आहे.
iPhone 17 च्या डिझाइनमध्ये मोठा बदल
या वर्षी Apple चार नवीन iPhone मॉडेल्स – iPhone 17, iPhone 17 Pro, iPhone 17 Pro Max आणि iPhone 17 Air सादर करणार आहे. विशेष म्हणजे, गेल्या पाच वर्षांनंतर iPhone च्या डिझाइनमध्ये मोठा बदल होणार आहे.
iPhone 17 Air हे नवीन मॉडेल अतिशय पातळ (5.5 मिमी) असून त्यात फक्त एक रियर कॅमेरा असेल. या फोनमध्ये A19 प्रोसेसर, ProMotion स्क्रीन, USB-C पोर्ट आणि eSIM समर्थन असे फिचर्स असतील. त्याचा उद्देश बेस मॉडेल आणि Pro मॉडेल्सच्या मध्ये स्थान मिळवणे आहे, पण यामुळे बॅटरी लाइफ कमी होऊ शकते.
जगभरातील टेकप्रेमी उत्सुकतेने वाट पाहत असलेला ॲपलचा वार्षिक शो म्हणजे “Awe Dropping” इव्हेंट उद्या (9 सप्टेंबर) रात्री भारतीय वेळेनुसार 10.30 वाजता होणार आहे. या कार्यक्रमात ॲपल आपली नवी iPhone 17 सीरिज सादर करणार आहे.
2020 नंतर पहिल्यांदा डिझाइनमध्ये बदल
iPhone 17 Pro आणि Pro Max मध्ये 2020 नंतर पहिल्यांदा डिझाइनमध्ये बदल केला आहे. फोनच्या मागील भागात नवीन कॅमेरा डिझाइन, A19 Pro प्रोसेसर, बॅटरी लाइफ वाढवणे, व्हिडिओ रेकॉर्डिंगमध्ये सुधारणा आणि टेलीफोटो कॅमेरा 12 मेगापिक्सेलवरून 48 मेगापिक्सेलपर्यंत वाढवणे असे मुख्य बदल आहेत. सेल्फी कॅमेरामध्येही मोठा अपग्रेड दिला गेला आहे. 2023 मध्ये टायटॅनियम फ्रेम वापरल्यानंतर या वर्षी पुन्हा अल्युमिनियम फ्रेमकडे परतले आहे, जे हलके आणि उष्णता नियंत्रणासाठी योग्य आहे. iPhone 17 बेस मॉडेलमध्ये स्क्रीन थोडी मोठी करून 6.3 इंच करण्यात आली असून, ProMotion स्क्रीन आणि नवीन चिप वापरली जाईल.
Apple Watch : नवीन फीचर्ससह अपग्रेड
Apple Watch Ultra 3 मध्ये मोठा स्क्रीन, नवीन S11 चिप, 5G Redcap कनेक्टिव्हिटी आणि उपग्रह संवाद सुविधांचा समावेश आहे. Series 11 मध्ये ब्राइटनेस वाढवलेला स्क्रीन आणि नवीन रंगांचे पर्याय असतील. Apple Watch SE या किफायतशीर मॉडेलला नवीन डिस्प्ले आणि चिपसह अपग्रेड करण्यात येईल. भविष्यात Health+ सब्सक्रिप्शनसह AI हेल्थ एजंट देखील लॉन्च होईल.
AirPods Pro 3 : तीन वर्षांनंतर नवीन अपग्रेड
AirPods Pro 3 मध्ये हृदयगती मोजण्याची सुविधा, लहान चार्जिंग केस आणि नवीन पेअरिंग मेकॅनिझम असे बदल असतील. याशिवाय, AirPods लाईव्ह ट्रान्सलेशन फिचरसह संवाद अधिक सुलभ करतील.
Apple या इव्हेंटमध्ये फक्त नवीन उत्पादने सादर करत नाही, तर ग्राहकांना आपल्याच्या इकोसिस्टममध्ये टिकवून ठेवण्यासाठी नव्या इनोव्हेशनवरही भर देत आहे. या वर्षीचे उत्पादन फॉल लॉन्च Apple साठी स्पर्धकांशी लढण्यासाठी आणि AI युगात आपला वर्चस्व टिकवण्यासाठी महत्वाचे ठरणार आहे.
महत्त्वाच्या बातम्या
