BAN vs ZIM: बांगलादेश- झिम्बाब्वे सामन्यातील अखरेच्या चेंडूवर जबरदस्त ड्रामा; पॅव्हेलियनमध्ये परतलेल्या खेळाडूंना पंचांनी परत बोलावलं
BAN vs ZIM No Ball: बांगलादेशच्या संघानं टी-20 विश्वचषकातील त्यांच्या तिसऱ्या सामन्यात झिम्बाब्वेचा तीन धावांनी पराभव केला.
BAN vs ZIM No Ball: बांगलादेशच्या संघानं टी-20 विश्वचषकातील त्यांच्या तिसऱ्या सामन्यात झिम्बाब्वेचा तीन धावांनी पराभव केला. ब्रिस्बेनच्या गाबा स्टेडियममध्ये रंगलेल्या या सामन्यात अखेरच्या चेंडूपर्यंत थरार पाहायला मिळालं. बांगलादेशनं दिलेल्या 151 धावांच्या लक्ष्याचा पाठलाग करण्यासाठी मैदानात उतरलेल्या झिम्बाब्वेच्या संघाची दमछाक झाली. अखेरच्या षटकात 16 धावांची गरज असताना झिम्बाब्वेच्या संघानं बांगलादेशच्या संघाला कडवी झुंज दिली. पण या सामन्यातील अखेरच्या चेंडूनं सर्वांचं लक्ष्य वेधून घेतलं.
बांगलादेशविरुद्ध सामन्यात झिम्बाब्वेच्या संघाला अखेरच्या षटकात 16 धावांची गरज होती. बांगलादेशचा कर्णधार शाकीब अल हसननं अखरेचं षटक टाकण्यासाठी मोसादेक हुसैननं बोलवलं. या षटकातील पहिल्या चेंडूवर एक धाव काढली. त्यानंतर दुसऱ्या चेंडूवर विकेट, तिसऱ्या चेंडूवर चौकार आणि चौथ्या चेंडूवर षटकार लागला. त्यानंतर दोन चेंडूवर पाच धावांची गरज झिब्वाब्वेच्या संघानं विकेट्स गमावली. अखेरच्या चेंडूवर पाच धावांची गरज असताना बुर्ले ब्लेसिंग स्ट्राईकवर होता. मोठा फटका मारण्याच्या प्रयत्नात बांगलादेशच्या यष्टरक्षकानं बुर्ले ब्लेसिंगला स्टंपिंग आऊट केलं. हा सामना संपल्यानंतर दोन्ही संघातील खेळाडूंनी एकमेकांशी हात मिळवून पॅव्हेलियनमध्ये परतले.
ट्वीट-
What a match! 🥵
— ICC (@ICC) October 30, 2022
Bangladesh emerge victorious after a thrilling clash against Zimbabwe!#T20WorldCup | #BANvZIM | 📝https://t.co/Qi8dhfgeEW pic.twitter.com/qayCpqXi0y
त्यानंतर तिसऱ्या पंचानं स्टंप आऊट तपासण्यासाठी रिप्ले पाहिल्यावर त्यांना दिसलं की नुरुल हसनने विकेटसमोर चेंडू पकडला होता.नियमानुसार, विकेटकिपरनं स्टंपसमोर चेंडू पकडला तर त्याला नो बॉलसह अवैध स्टंपिंग ठरवलं जातात. अशा स्थितीत तिसऱ्या पंचानं हा चेंडू नो- बॉल ठरवला आणि ब्लेसिंगला नाबाद घोषित केलं. तिसऱ्या पंचाच्या निर्णयानंतर दोन्ही संघांच्या खेळाडूंना पुन्हा एकदा मैदानात यावं लागलं.शेवटच्या चेंडूवर चार धावांची गरज असताना झिम्बाब्वेच्या फलंदाजानं चेंडू हुकवला आणि हा सामना बांगलादेशच्या संघानं जिंकला.
ट्वीट-
A fighting fifty from the experienced Sean Williams 👏#T20WorldCup | #BANvZIM | 📝https://t.co/Qi8dhfgeEW pic.twitter.com/E0euDZJKE1
— ICC (@ICC) October 30, 2022
हे देखील वाचा-
महत्त्वाच्या बातम्या
