Andre Russell: पुन्हा आंद्रे रसलचं एका धावानं अर्धशतक हुकलं! त्याच्यासोबत किती वेळा असं घडलं? आकडा आश्चर्यचकीत करणारा

IPL 2022: आयपीएलच्या पंधराव्या हंगामातील 25 व्या सामन्यात सनरायजर्स हैदराबाद आणि कोलकाता नाईट रायडर्स (SRH vs KKR) एकमेकांशी भिडले.

Andre_Russell

IPL 2022: आयपीएलच्या पंधराव्या हंगामातील 25 व्या सामन्यात सनरायजर्स हैदराबाद आणि कोलकाता नाईट रायडर्स (SRH vs KKR) एकमेकांशी भिडले. या सामन्यात हैदराबादच्या संघानं सात विकेट्स राखून हैदराबादवर विजय मिळवला आहे. या सामन्यात कोलकात्याचा अष्टपैलू खेळाडू आंद्रे रसलनं (Andre Russell) 25 चेंडूत 49 धावांची खेळी केली. मात्र, अर्धशतक पूर्ण करण्यासाठी फक्त एक धाव कमी असताना रसल तंबूत परतला. महत्वाचं म्हणजे, आंद्रे रसलसोबत असं पहिल्यांदाच घडलं नसून याआधीही अनेकदा त्यानं 49 धावांवर आपली विकेट्स गमावली आहे.

युसूफ पठाणला टाकलं मागं
सनरायझर्स हैदराबाद आणि कोलकाता नाईट रायडर्स यांच्यात मुंबईच्या ब्रेबॉर्न स्टेडिअमवर खेळण्यात आला होता. त्यावेळी कोलकात्याकडून फलंदाजी करण्यासाठी मैदानात आलेल्या आंद्रे रसलनं चार षटकार आणि चार चौकारांच्या मदतीनं 49 धावांची खेळी केली. परंतु, अर्धशतक पूर्ण करण्यास त्याला अपयश आलं. एक धाव कमी असताना तो बाद झाला. त्याच्यासोबत असं होण्याची ही तिसरी वेळ आहे. या बाबतीत त्यानं भारतीय दिग्गज युसूफ पठाणला मागं सोडले आहे. युसूफ पठाण दोनदा 49 धावांवर आपली विकेट्स गमावली आहे. 

कोलकाताविरुद्ध हैदराबादचा सात विकेट्सनं विजय
या सामन्यात सनरायझर्स हैदराबादनं नाणेफेक जिंकत प्रथम गोलंदाजी करण्याचा निर्णय घेतला. त्यानंतर प्रथम फलंदाजी करण्यासाठी मैदानात आलेल्या कोलकात्याच्या संघानं 20 षटकात 8 विकेट्स गमावून 175 धावा केल्या. प्रत्युत्तरात हैदराबादच्या संघानं 17.5 षटकातच कोलकात्यानं दिलेलं लक्ष्य पूर्ण केलं. या सामन्यात राहुल त्रिपाठीची तुफानी फलंदाजी पाहायला मिळाली. हैदराबादसाठी राहुल त्रिपाठीनं अवघ्या 37 चेंडूत चार षटकार आणि सहा चौकारांच्या मदतीने 71 धावा केल्या. तसेच एडम मार्करमने 36 चेंडूत 68 धावांची नाबाद खेळी केली. 

हे देखील वाचा-