RR Vs KKR: जॉस बटलरचं झुंजार शतक, राजस्थानचं कोलकात्यासमोर 218 धावांचं आव्हान
RR Vs KKR, IPL 2022: या सामन्यात नाणेफेक जिंकून कोलकाताच्या संघानं प्रथम गोलंदाजी करण्याचा निर्णय घेतला.
RR Vs KKR, IPL 2022: मुंबईच्या (Mumbai) ब्रेबॉर्न स्टेडिअमवर (Brabourne Stadium) खेळण्यात आलेल्या राजस्थान रॉयल्सनं कोलकाता नाईट रायडर्ससमोर (Rajasthan Royals Vs Kolkata Knights Riders) धावांचं 218 लक्ष्य ठेवलं होतं. या सामन्यात नाणेफेक जिंकून कोलकाताच्या संघानं प्रथम गोलंदाजी करण्याचा निर्णय घेतला. त्यानंतर प्रथम फलंदाजी करण्यासाठी मैदानात आलेल्या राजस्थानच्या संघानं 20 षटकात 5 विकेट्स गमावून 217 धावा केल्या आहेत. राजस्थानकडून सलामीवीर जॉस बटलरनं झुंजार शतक केलंय.
नाणेफेक गमावल्यानंतर प्रथम फलंदाजी करण्यासाठी मैदानात आलेल्या जॉस बटलर आणि देवदत्त पडिक्कलनं आक्रमक फलंदाजी करत राजस्थानच्या संघाला दमदार सुरुवात करून दिली. राजस्थानच्या संघानं 97 धावांवर पडिक्कलच्या रुपात पहिला विकेट्स गमावला. मात्र, त्यानंतरही बटलरनं आपली आक्रमक फलंदाजी सुरूच ठेवली. राजस्थानचा एक विकेट्स पडल्यानंतर मैदानात आलेल्या कर्णधार संजू सॅमसननं जॉस बटलरला साथ दिली. परंतु, आंद्रे रसलनं सोळाव्या षटकातील दुसऱ्या चेंडूवर संजू सॅमसनला माघारी धाडलं. त्यानंतर शिमरॉन हिटमायर मैदानात आला. दरम्यान, सतराव्या षटकातील चौथ्या चेंडूवर जॉस बटलरची आक्रमक खेळी संपुष्टात आली. त्यानं 61 चेंडूत 103 धावा केल्या. ज्यात पाच षटकार आणि नऊ चौकारांचा समावेश आहे. कोलकात्याकडून सुनील नारायणनं सर्वाधिक दोन विकेट्स घेतल्या. तर, शिवम मावी, पॅट कमिन्स आणि आंद्रे रसलनं प्रत्येकी एक-एक विकेट्स मिळवली.
राजस्थान रॉयल्सचा संघ-
जोस बटलर, देवदत्त पडिक्कल, करुण नायर, संजू सॅमसन (कर्णधार,विकेटकीपर), शिमरॉन हेटमायर, रियान पराग, प्रसिध कृष्णा, रवीचंद्रन अश्विन, ओबेद मकॉय, ट्रेंट बोल्ट, युझवेंद्र चहल.
कोलकाता नाईट रायडर्स-
अजिंक्य रहाणे, व्यंकटेश अय्यर, श्रेयस अय्यर (कर्णधार), शेल्डॉन जॅक्सन (विकेटकीपर), नितीश राणा, आंद्रे रसेल, सुनील नारायण, पॅट कमिन्स, उमेश यादव, शिवम मावी, वरुण चक्रवर्ती.
हे देखील वाचा-
महत्त्वाच्या बातम्या
