(Source: ECI/ABP News/ABP Majha)
RCB vs DC Playing 11 : दिल्लीला पहिल्या विजयाची प्रतिक्षा, आरसीबीविरोधात हे 11 खेळाडू मैदानात; खेळपट्टी कशी असेल? जाणून घ्या
RCB vs DC Pitch Report : आयपीएल 2023 मध्ये आज आरसीबी (Royal Challengers Bangalore) आणि दिल्ली (Delhi Capitals) यांच्यात रणसंग्राम पाहायला मिळणार आहे.
Royal Challengers Bangalore vs Delhi Capitals : आज बंगळुरुमधील चिन्नास्वामी स्टेडिअमवर आयपीएल 2023 च्या (IPL 2023) 20 वा सामना पाहायला मिळणार आहे. 15 एप्रिलला रंगणाऱ्या सामन्यात रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स ( Delhi Capitals) हे दोन संघ मैदानात आमने-सामने येणार आहेत. आयपीएल 16 व्या (IPL 2023) हंगामातील ही लढत आरसीबीच्या घरच्या मैदानावर (M. Chinnaswamy Stadium, Bengaluru) पार पडणार आहे. दिल्ली कॅपिटल्स संघासाठी हा सामना अधिक महत्त्वाचा आहे. कारण संघाचा आयपीएल 2023 मधील आतापर्यंतच्या सर्व सामन्यात पराभव झाला आहे.
RCB vs DC, IPL 2023 Match 20 : आरसीबी आणि दिल्ली यांच्यात लढत
दिल्लीचा संघ यंदाच्या मोसमातील पहिला विजय मिळवण्यासाठी आरसीबी विरोधात मैदानात उतरणार आहे. दिल्ली कॅपिटल्सला अद्याप एकही सामना जिंकता आलेला नाही. दिल्ली संघाने आयपीएल 2023 मध्ये अजून खातंही उघडलेलं नाही. दिल्ली संघाचा हा पाचवा सामना असेल. तर दुसरीकडे आरसीबी संघाचा हा चौथा सामना असेल. यंदाच्या मोसमात याआधी खेळलेल्या तीन सामन्यांपैकी बंगळुरुने एक सामना जिंकला असून दोन सामन्यात त्यांना पराभव पत्करावा लागला आहे.
M. Chinnaswamy Stadium Pitch Report : चिन्नास्वामी स्टेडियम खेळपट्टीचा अहवाल
आज दुपारी 3.30 वाजता बंगळुरुमधील चिन्नास्वामी स्टेडियमवर हा सामना रंगणार आहे. ही खेळपट्टी फलंदाजांसाठी अनुकूल आहे. येथे गोलंदाजांना खास कामगिरी करता आलेली नाही. बंगळुरूमध्ये पहिल्या डावातील सरासरी धावसंख्या 170 धावांची आहे. या खेळपट्टीवर अधिक धावा करूनच फलंदाजांवर दबाव आणता येतो. नाणेफेक जिंकून प्रथम गोलंदाजी करणाऱ्या संघाचा फायदा होईल.
RCB vs DC IPL 2023 : दोन्ही संघांची संभाव्य प्लेईंग 11
IPL 2023, RCB Playing 11 : बंगळुरु संभाव्य प्लेईंग 11
फाफ डू प्लेसिस (कर्णधार), विराट कोहली, ग्लेन मॅक्सवेल, वानिंदू हसरंगा, दिनेश कार्तिक (विकेटकीपर), डेव्हिड विली, हर्षल पटेल, सिद्धार्थ कौल, कर्ण शर्मा, मोहम्मद सिराज, वैशाक कुमार
IPL 2023, DC Playing 11 : दिल्ली संभाव्य प्लेईंग 11
पृथ्वी शॉ, डेव्हिड वॉर्नर (कर्णधार), मनिष पांडे, यश धुल, रोवमन पॉवेल, ललित यादव, अक्षर पटेल, अभिषेक पोरेल (विकेटकीपर), कुलदीप यादव, एनरिक नॉर्टजे, लुंगी एनगिडी
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
