RCB vs DC Preview : दिल्ली पहिला विजय मिळवण्यासाठी सज्ज, आरसीबी स्वप्न धुळीला मिळवणार? कुणाचं पारड जड? पाहा हेड टू हेड आकडेवारी
DC vs RCB, IPL 2023 Match 20 : आज (15 एप्रिल) आयपीएल 2023 (IPL 2023) मधील 20 वा सामना आरसीबी (Royal Challengers Bangalore) आणि दिल्ली (Delhi Capitals) यांच्यात रंगणार आहे.
Royal Challengers Bangalore vs Delhi Capitals : इंडियन प्रीमियर लीगमधील (Indian Premier League) 20 वा सामना आज, 15 एप्रिलला रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स (Delhi Capitals) यांच्यात रंगणार आहे. दिल्ली कॅपिटल्स यंदाच्या मोसमातील पहिला विजय मिळवण्यासाठी मैदानावर उतरणार आहे. दिल्ली संघाने आयपीएल 2023 मध्ये आतापर्यंत खेळलेले सर्व चार सामने गमावले आहेत. बंगळुरूमधील एम चिन्नास्वामी स्टेडिअमवर (M. Chinnaswamy Stadium, Bengaluru) शनिवारी दुपारी 3.30 वाजता (RCB vs DC) हा सामना रंगणार आहे. बंगळुरूच्या घरच्या मैदानावर आज दिल्लीची कसोटी पाहायला मिळणार आहे.
RCB vs DC Match 20 Preview : आरसीबी आणि दिल्ली आमने-सामने
रॉयल चॅलेंजर्स बंगळुरु (RCB) आणि दिल्ली कॅपिटल्स (DC) यांच्यात आज बंगळुरु येथे रणसंग्राम पाहायला मिळणार आहे. आरसीबीचा हा चौथा सामना असेल, तर दिल्लीचा हा पाचवा सामना असेल. यंदाच्या मोसमात खेळलेल्या तीन सामन्यांपैकी आरसीबी संघाने एक सामना जिंकला तर दोन सामन्यात त्यांचा पराभव झाला आहे. तर, दुसरीकडे दिल्ली संघाला अद्याप एकाही सामन्यात विजय मिळवता आलेला नाही.
DC vs RCB Head to Head : कुणाचं पारड जड?
इंडियन प्रीमियर लीग (Indian Premier League) मध्ये रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स (Delhi Capitals) या दोन संघांमध्ये आतापर्यंत 27 सामने खेळवण्यात आले आहेत. यामध्ये बंगळुरुचं पारड जड दिसून आलं आहे. रॉयल चॅलेंजर्स बंगळुरुने 27 पैकी 16 सामने जिंकले आहेत. तर, दिल्ली कॅपिटल्स संघाला 10 सामने जिंकता आले आहेत. एक सामना ड्रॉ झाला. दोन्ही संघांची सर्वाधिक सरासरी धावसंख्या 190 आहे. या सामन्यात कोण बाजी मारणार याकडे सर्वांचं लक्ष लागलं आहे.
DC vs RCB, IPL 2023 : कधी आणि कुठे होणार सामना?
आरसीबी (RCB) आणि दिल्ली (DC) यांच्यात 15 एप्रिलला लढत पाहायला मिळणार आहे. हा सामना बंगळुरुतील एम. चिन्नास्वामी स्टेडिअमवर दुपारी 3.30 वाजता पार पडणार आहे. नाणेफेक दुपारी 3.00 वाजता होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
