केदार जाधव IN, नॉर्खिया OUT ; पाहा दिल्ली आणि आरसीबीची प्लेईंग 11

DC vs RCB, IPL 2023 : आरसीबीचा कर्णधार फाफ डु प्लेलिस याने नाणेफेक जिंकून प्रथम फलंदाजी करण्याचा निर्णय घेतला आहे.

DC vs RCB, IPL 2023

DC vs RCB, IPL 2023 : आरसीबीचा कर्णधार फाफ डु प्लेलिस याने नाणेफेक जिंकून प्रथम फलंदाजी करण्याचा निर्णय घेतला आहे. वॉर्नरच्या नेतृत्वातील दिल्ली प्रथम गोलंदाजी करणार आहे. आरसीबीने अनुभवी केदार जाधव याला संधी दिली आहे. तर दिल्लीच्य संघात सर्व गोलंदाज भारतीय आहेत. आजचा सामना दोन्ही संघासाठी महत्वाचा आहे. आयपीएलमधील आव्हान जिवंत ठेवण्यासाठी दिल्लीला सामना जिंकणे अनिवार्य आहे.. तर प्लेऑफमध्ये पोहचण्यासाठी आरसीबीला विजय गरजेचाचा आहे. पाहूयात दोन्ही संघाची प्लेईंग ११

आज दिल्लीच्या घरच्या मैदानावर रॉयल चॅलेंजर्स बंगळुरु (RCB) आणि दिल्ली कॅपिटल्स (DC) यांच्यात रणसंग्राम पाहायला मिळणार आहे. बंगळुरुनं मागील सामन्यात लखनौ संघाचा पराभव केला आहे. आता विजयी मार्गावर कायम राहण्यासाठी आरसीबी प्रयत्न करेल. दुसरीकडे दिल्ली कॅपिटल्सने मागच्या सामन्यात गतविजेता चॅम्पियन गुजरात टायटन्सचा पराभव केला आहे. आजच्या सामन्याकडे सर्वांचं लक्ष लागलं आहे.

IPL 2023, RCB Playing 11 : बंगळुरु   प्लेईंग 11
विराट कोहली, फाफ डू प्लेसिस (कर्णधार), महिपाल लोरमोरल, ग्लेन मॅक्सवेल, वानिंदू हसरंगा, दिनेश कार्तिक (विकेटकीपर), केदार जाधव, अनुज रावत, मोहम्मद सिराज, कर्ण शर्मा, जोश हेजलवुड.

IPL 2023, DC Playing 11 : दिल्ली  प्लेईंग 11

डेव्हिड वॉर्नर (कर्णधार), मिचेल मार्श, मनीष पांडे, रिले रुसो, अमन हकीम खान, अक्षर पटेल, पी. सॉल्ट (विकेटकिपर),  कुलदीप यादव, मुकेश कुमार इशांत शर्मा, खलील अहमद

DC vs RCB Head to Head : कुणाचं पारड जड? 
इंडियन प्रीमियर लीग (Indian Premier League) मध्ये  रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स (Delhi Capitals) या दोन संघांमध्ये आतापर्यंत 29 सामने खेळवण्यात आले आहेत. यामध्ये बंगळुरुचं पारड जड दिसून आलं आहे. रॉयल चॅलेंजर्स बंगळुरुने 29 पैकी 18 सामने जिंकले आहेत. तर, दिल्ली कॅपिटल्स संघाला 10 सामने जिंकता आले आहेत. एक सामना ड्रॉ झाला. दोन्ही संघांची सर्वाधिक सरासरी धावसंख्या 190 आहे. या सामन्यात कोण बाजी मारणार याकडे सर्वांचं लक्ष लागलं आहे.

Arun Jaitley Stadium Pitch report : कशी असेल खेळपट्टी?
अरुण जेटली स्टेडियमच्या मैदानावर अनेक उच्च मोठ्या धावसंख्येचे सामने पाहायला मिळाले आहेत. आयपीएलमध्ये अनेकवेळा या मैदानावर संघाने 200 च्या पुढे धावा केल्या आहेत. अरुण जेटली स्टेडियमची खेळपट्टी टी-20 सामन्यात फलंदाजांसाठी अधिक फायदेशीर ठरली आहे. अरुण जेटली स्टेडियमची खेळपट्टी फलंदाजीसाठी चांगली मानली जाते. येथे चेंडू बॅटवर चांगला येतो आणि फलंदाज याचा आनंद घेतात.