Virat Kohli : विराट कोहलीचं वर्तन चुकीचं, वाद घालायला नको होता, इरफान पठाणनं सगळं समजावून सांगितलं...

Virat Kohli : विराट कोहलीनं कोलकाता विरुद्धच्या मॅचमध्ये मैदानावरील पंचांसोबत वाद घातला. यावरुन इरफान पठाण यानं त्यानं खडे बोल सुनावले आहेत.

विराट कोहलीला इरफान पठाणचे खडेबोल

Source : एबीपी माझा ग्राफिक्स टीम

IPL 2024 कोलकाता:  कोलकाता नाईट रायडर्स (Kolkata Knight Riders) आणि रॉयल चॅलेंजर्स बंगळुरु (Royal Challengers Bengaluru) यांच्यात रोमहर्षक सामना पार पडला. यामध्ये कोलकातानं एका रननं विजय मिळवला. कोलकातानं पहिल्यांदा फलंदाजी करताना 6 विकेटवर 222 धावा केल्या होत्या. आरसीबीची टीम या धावसंख्येंचा पाठलाग करताना 221 धावा  करु शकली. आजच्या मॅचमध्ये सर्वाधिक चर्चेचा विषय ठरला तो म्हणजे विराट कोहलीची विकेट, आरसीबीच्या डावाची आक्रमक सुरुवात विराट कोहलीनं केली होती. विराट कोहली (Virat Kohli) 18 धावांवर हर्षित राणाच्या बॉलवर बाद झाला. हर्षित राणानं त्याला फुल टॉस टाकला होता. विराटनं हा बॉल फुलटॉस असल्यानं डीआरएस घेतला. डीआरएसमध्ये हा बॉल नो बॉल नसल्याचं स्पष्ट झालं. थर्ड अम्पायरनं विराट कोहली आऊट असल्याचा निर्णय दिला. यानंतर विराट कोहलीनं अंपायरबरोबर वाद घाला. या प्रकरणी इरफान पठाणनं (Irfan Pahan) भाष्य केलं.   

इरफान पठानने विराट कोहलीनं पंचांबरोबर घातलेल्या वादावर परखड भाष्य केलं आहे. बीसीसीआयनं आयपीएलमध्ये खेळणाऱ्या सर्व खेळाडूंची  ऊंची मोजली आहे. यामुळं तंत्रज्ञानाला चुकीचं ठरवलं जाऊ शकत नाही. विराट कोहली आऊट होता हे स्पष्टपणे दिसत आहे, असं इरफान पठाण म्हणाला.   

विराट कोहलीची या प्रकरणातील भूमिका योग्य नाही. विराट कोहली ज्या बॉलवर आऊट झाला त्यावेळी तो क्रीजच्या बाहेर उभा होता. त्यामुळं त्याला बाद देण्यात आलं. विराट कोहली जर क्रीजच्या आत असता तर तो बॉल त्याच्या कमरेच्या ऊंची पेक्षा खाली असता, असं इरफान पठाण म्हणाला.  

केकेआरचा शेवटच्या बॉलवर विजय

कोलकाता नाईट रायडर्स आणि रॉयल चॅलेंजर्स बंगळुरुमध्ये अखेरच्या ओव्हरच्या अखेरच्या बॉलपर्यंत मॅच गेली. शेवटच्या ओव्हरमध्ये आरसीबीला 21 रन हव्या होत्या आणि त्यांच्याकडे दोन विकेट होत्या. कर्ण शर्मानं पहिल्या चार बॉलमध्ये तीन सिक्स मारले. पाचव्या बॉलवर तो बाद झाला. अखेरच्या बॉलवर तीन रन हव्या असताना बंगळुरुला केवळ एक रन काढता आली. दुसऱ्या रनवर त्यांचा खेळाडू धावबाद झाला यामुळं सुपरओव्हरचा टप्पा टळला. यानंतर केकेआरनं एका रननं विजय मिळवला.  

संबंधित बातम्या :