IPL 2024: संजीव गोयंकांनी झापलं, आता केएल राहुलने उचललं मोठं पाऊल; आजचा सामना खेळण्यावरही प्रश्नचिन्ह!
IPL 2024 LSG KL Rahul: आयपीएलच्या प्ले ऑफमध्ये कायम राहण्यासाठी लखनौला उर्वरित दोन सामन्यांत विजय मिळवणे आवश्यक आहे.
IPL 2024 LSG KL Rahul: लखनौ सुपर जाएंटस (Lucknow Super Giants) आणि सनरायझर्स हैदराबाद (Sun Risers Hyderabad) यांच्यातील मॅचनंतर केएल राहुल (KL Rahul) आणि संजीव गोयंका (Sanjiv Goenka) यांच्यात वाद झाला होता. लखनौ सुपर जाएंटसचे मालक संजीव गोयंका यांनी सनरायजर्स हैदराबादविरुद्धच्या पराभवानंतर केएल राहुलला ऑन कॅमेरा जाब विचारला होता. यावरुन संजीव गोयंका यांच्यावर नेटकऱ्यांनी टीका केली होती. या वादाचे पडसाद अद्याप उमटत आहेत.
आज लखनौ आणि दिल्ली यांच्यात सामना होणार आहे. आयपीएलच्या प्ले ऑफमध्ये कायम राहण्यासाठी लखनौला उर्वरित दोन सामन्यांत विजय मिळवणे आवश्यक आहे. मात्र याचदरम्यान केएल राहुलने मोठं पाऊल उचलल्याचं बोललं जात आहे. दिल्ली कॅपिटल्सविरुद्धच्या लढतीसाठी केएल राहुल संघासोबत काल रात्रीपर्यंत तरी दिल्लीत दाखल झाला नव्हता आणि त्यामुळे सर्वांना आश्चर्याचा धक्का बसतोय. लखनौचा संघ 12 सामन्यांत 12 गुणांसह सातव्या स्थानावर आहेत आणि दिल्ली व मुंबई यांच्याविरुद्धचा सामना जिंकून लखनौला 16 गुणांसह प्ले ऑफसाठी दावा सांगता येईल. त्यांना नेट रन रेटही सुधारावा लागेल. हे गणित लक्षात घेता दिल्लीविरुद्धचा आजचा सामना महत्त्वाचा आहे.
केएल राहुलसाठी वीरेंद्र सेहवाग मैदानात
क्रिकबझवर चर्चा करताना वीरेंद्र सेहवाग म्हणाला की, "ते सगळे उद्योगपती आहेत आणि त्यांना फक्त नफा-तोट्याची भाषा कळते. पण इथे तोटा नाही, मग तुम्हाला काय अडचण आहे? ते 400 कोटींचा नफा कमावत आहेत आणि हा असा व्यवसाय आहे जिथे त्यांना काहीही करण्याची गरज नाही. तुम्हाला या गोष्टींकडे लक्ष द्यावे लागेल कारण परिणाम काहीही असो, त्यांना नफा मिळतो. मालकाचे काम असे असले पाहिजे की जेव्हा तो पत्रकार परिषदेत किंवा ड्रेसिंग रूममध्ये खेळाडूंना भेटतो तेव्हा त्याने त्यांचे मनोबल वाढवण्याचा प्रयत्न केला पाहिजे, असं सेहवागने सांगितले.
केएल राहुल लखनौ सोडणार का?
व्हायरल व्हिडिओमध्ये केएल राहुल संजीव गोयंका यांच्यासमोर उभं राहून सर्व काही ऐकत होता. अशा परिस्थितीत लोक असा अंदाज लावू लागले की केएल राहुल आयपीएल 2024 नंतर लखनौ सुपर जायंट्स सोडू शकतात. याशिवाय, लीग टप्प्यातील शेवटच्या 2 सामन्यांमध्ये राहुल कदाचित LSG चे नेतृत्व करणार नसल्याच्याही बातम्या समोर आल्या आहेत. हैदराबादविरुद्धच्या सामन्यात राहुलने 33 चेंडूत 29 धावा केल्या होत्या.
संबंधित बातम्या:
महत्त्वाच्या बातम्या
