CSK vs SRH : पथिरानाचं भन्नाट प्लॅनिंग, भेदक यॉर्करवर मार्क्रमच्या दांड्या गुल, मॅच थांबवण्याची वेळ, थेट स्टम्प बदलावा लागला,पाहा व्हिडीओ
IPL 2024 : चेन्नई सुपर किंग्जनं सनरायजर्स हैदराबादला 78 धावांनी पराभूत केलं. चेन्नईनं गोलंदाजांच्या कामगिरीच्या आधारावर विजय मिळवला.
चेन्नई : आयपीएलच्या (IPL 2024) 46 व्या मॅचमध्ये गतविजेती चेन्नई सुपर किंग्जनं (Chennai Super Kings) पहिल्यांदा फलंदाजी करताना 3 बाद 212 धावा केल्या होत्या. या धावसंख्येचा पाठलाग करताना हैदराबादची सुरुवात खराब झाली. तुषार देशपांडेनं हैदराबादला सुरुवातीलाच धक्के दिले. यानंतर सनरायजर्स हैदराबादचा प्रमुख फलंदाज एडन मार्क्रमनं (Aiden Markram) डाव सावरण्याचा प्रयत्न केला. मात्र, मथिशा पथिरानानं (Matheesha Pathirana Yorker) टाकलेल्या यॉर्करपुढं मार्क्रमचा निभाव लागला नाही. मार्क्रम 32 धावा करुन बाद झाला.
मार्क्रमसाठी पथिरानानं जाळं टाकलं
चेन्नईचा कॅप्टन ऋतुराज गायकवाडनं अकराव्या ओव्हरमध्ये बॉलिंगची धुरा मथिशा पथिरानावर सोपवली. कॅप्टननं ज्या कारणासाठी बॉलिंग दिली होती त्याप्रमाणं पथिरानानं कामगिरी पार पाडली. पथिरानानं ओव्हरचा पाचवा बॉल पहिल्यांदा वाईड टाकला. पथिरानानं टाकलेला हा बॉल बॅटसमनच्या लेक साईडनं गेल्यानं वाईड दिला गेला. हा बॉल टाकून पथिरानानं माईंड गेम खेळला. पथिरानानं वाईड बॉलनंतर थेट मार्क्रमला यॉर्कर टाकला आणि मार्क्रमकडे पाहत राहण्याशिवाय दुसरा पर्याय नव्हता.
पाहा व्हिडीओ
Middle stump flattened 🤯🔥#CSKvSRH #TATAIPL #IPLonJioCinema #IPLinBhojpuri pic.twitter.com/xvJm7puAxt
— JioCinema (@JioCinema) April 28, 2024
पथिरानानं टाकलेल्या यॉर्करवर मार्क्रम बाद झाला. पथिरानाचा यॉर्कर इतक्या भेदक होता की काही वेळ मॅच थांबवावी लागली. पंचांना थेट स्टम्प देखील बदलावा लागला. स्टम्प बदलण्यासाठी काही काळासाठी मॅच थांबवावी लागली.
चेन्नईच्या गोलंदाजांनी मॅच जिंकवली
चेन्नई सुपर किंग्जनं पहिल्यांदा फलंदाजी करताना 3 विकेटवर 212 धावा केल्या होत्या. यामध्ये कॅप्टन ऋतुराज गायकवाडच्या 98 आणि डॅरिल मिशेलच्या 52 धावांचा समावेश होता. चेन्नईच्या गोलंदाजांनी 212 धावांचा बचाव यशस्वीपणे केला. चेन्नई सुपर किंग्जच्या तुषार देशपांडे, मुस्तफिजूर रहमान, रवींद्र जडेजा, शार्दूल ठाकूर आणि मथिशा पथिराना यांनी दमदार कामगिरी करत संघाला विजय मिळवून दिला. सनरायजर्स हैदराबादच्या संघाला चेन्नईच्या गोलंदाजांनी 134 धावांवर ऑलआऊट केलं. हैदराबादचा संघ 19 व्या ओव्हरमध्येच सर्वबाद झाला. तुषार देशपांडेनं 4, मुस्तफिजूर रहमान आणि मथिशा पथिरानानं प्रत्येकी दोन तर शार्दूल ठाकूर आणि रवींद्र जडेजा यांनी एक एक विकेट घेतली.
चेन्नईची गुणतालिकेत मोठी झेप
चेन्नई सुपर किंग्जनं स्पर्धेतील पाचव्या विजयासह नेट रनरेटच्या आधारावर गुणतालिकेत मोठी झेप घेतली आहे. चेन्नई सुपर किंग्ज तिसऱ्या तर सनरायजर्स हैदराबाद आता चौथ्या स्थानावर पोहोचलं आहे.
संबंधित बातम्या :
महत्त्वाच्या बातम्या
ट्रेंडिंग न्यूज
and tablets
