SRH vs RR Live Score, IPL 2023 : हैदराबादचा 72 धावांनी पराभव

SRH vs RR, IPL 2023 Live : हैदराबाद आणि राजस्थान यांच्यात आज सलामीचा सामना रंगणार आहे. दोन्ही संघ विजयाच्या इराद्याने मैदानात उतरतील.

Background

IPL 2023, Sunrisers Hyderabad vs Rajasthan Royals : आयपीएल 2023 मध्ये (IPL 2023) रविवारी (2 एप्रिल) रोजी सनरायजर्स हैदराबाद (Sunrisers Hyderabad) आणि राजस्थान रॉयल्स (Rajasthan Royals) यांच्यात सामना रंगणार आहे. दोन्ही संघाचा आयपीएल 2023 (IPL 2023) मधील पहिला सामना आहे. त्यामुळे दोन्ही संघ विजयी सुरुवात करण्याच्या हेतूने मैदानावर उतरतील. राजस्थान संजू सॅमसनच्या तर हैदराबाद भूवनेश्वर कुमारच्या नेतृत्त्वात मैदानात उतरेल. 

राजस्थानचा संघ संजू सॅमसन (Sanju Samson) आणि जोस बटलरवर (Jos Buttler) मोठ्या प्रमाणात अवलंबून असेल, तर हैदराबादला मयंका अग्रवालकडून मोठ्या खेळीची अपेक्षा असेल. हैदराबाद संघात अनुभवी आणि युवा खेळाडूंचे चांगले संतुलन आहे. 

हैदराबादची धुरा भुवनेश्ववरच्या खांद्यावर
हैदराबादचा कर्णधार एडन मार्करम पहिल्या सामन्यासाठी उपलब्ध नाही. त्यामुळे आयपीएलच्या 16 व्या हंगामातील पहिल्या सामन्यासाठी संघाच्या नेतृत्वाची जबाबदारी भुवनेश्वर कुमारवर सोपवण्यात आली आहे. भुवनेश्वर कुमार याने याआधीही हैदराबाद संघाने नेतृत्व केलेय. मार्करम सध्या नेदरलँडविरुद्ध एकदिवसीय मालिका खेळत आहे. अशा परिस्थितीत संघाचा कर्णधार भुवनेश्वर कुमार असेल. मयंक अग्रवाल आणि अभिषेक शर्मा ही जोडी सलामीसाठी मैदानात उतरण्याची शक्यता आहे. हैदराबादकडे मयंक अग्रवाल, राहुल त्रिपाठी, उमरान मलिक, वॉशिंग्टन सुंदर आणि भुवनेश्वर कुमार हे भारतीय खेळाडू आहेत. टी नटराजनही दुखापतीनंतर परतला असल्यामुळे डेथ-ओव्हरची समस्या सुटली पाहिजे.

राजस्थान संघाची परिस्थिती काय?
राजस्थान रॉयल्सकडे यशस्वी जैस्वाल (Yashaswi Jaiswal) आणि जोस बटलर (Jos Buttler) हे दोन उत्तम सलामीवीर आहेत. शिवाय देवदत्त पडिक्कलचाही (Devdutt Padikkal) संघात समावेश करण्यात आला आहे. त्यामुळे सलामी जोडी कोणती ठरतेय हे पाहावं लागेल. मात्र, यशस्वी आणि बटलर सलामीसाठी उतरण्याची शक्यता जास्त आहे. देवदत्त तिसऱ्या क्रमांकावर तर संजू सॅमसन (Sanju Samson) चौथ्या क्रमांकावर उतरू शकतो.

राजस्थान संघाकडे मधल्या फळीत शिमरॉन हेटमायर (Shimron Hetmyer), जिमी नीशम (Jimmy Neesham) आणि रियान परागसारखे (Riyan Parag) खेळाडू आहेत. तसेच, आर. अश्विन (Ravichandran Ashwin) आणि युझवेंद्र चहल (Yuzvendra Chahal) यांच्यामुळे राजस्थानची गोलंदाजी तगडी आहे. हे दोघेही प्लेइंग इलेव्हनमध्ये खेळण्याची शक्यता आहे. त्याशिवाय वेगवान गोलंदाजीसाठी ट्रेंट बोल्ट आणि प्रसिद्ध कृष्ण साथीला आहेत.

RR vs SRH Pitch Report : कशी आहे खेळपट्टी?

हैदराबाद आणि राजस्थान यांच्यातील सामना राजीव गांधी इंटरनॅशनल स्टेडिअम (Rajiv Gandhi International Stadium) वर होणार आहे. ही खेळपट्टी पूर्णपणे सपाट असून गोलंदाजांना चांगला बाउंस देते. खेळपट्टी वेगवान गोलंदाजांना चांगला स्विंग आणि बाउन्स देते. पहिल्या डावात चांगली फलंदाजी होण्याची शक्यता आहे. 

19:24 PM (IST)  •  02 Apr 2023

हैदराबादचा 72 धावांनी पराभव

युजवेंद्र चहल आणि बोल्टच्या भेदक माऱ्यापुढे हैदराबादचा संघ 131 धावांपर्यंत पोहचला. राजस्थानने हा सामना 72 धावांनी जिंकला.

19:11 PM (IST)  •  02 Apr 2023

हैदराबादला आठवा धक्का, भुवनेश्वर कुमार बाद

हैदराबादला आठवा धक्का, भुवनेश्वर कुमार बाद.. चहलची चौथी विकेट

18:52 PM (IST)  •  02 Apr 2023

हैदराबादला सातवा धक्का

हैदराबादला सातवा धक्का, अदिल रशिद 18 धावांवर बाद

18:31 PM (IST)  •  02 Apr 2023

हैदराबादला सहावा धक्का, मयांक अग्रवाल 27 धावावर बाद

हैदराबादला सहावा धक्का, मयांक अग्रवाल 27 धावावर बाद

18:27 PM (IST)  •  02 Apr 2023

हैदराबादचा अर्धा संघ तंबूत, राजस्थानची विजयाकडे वाटचाल 

204 धावांचा पाठलाग करताना हैदराबादची अवस्था अतिशय बिकट झाली आहे. 48 धावांत हैदराबादचे पाच फलंदाज तंबूत परतलेत. मयांक अग्रवाल 25 धावांवर खेळत आहे. अभिषेक शर्मा आणि राहुल त्रिपाठी यांना खातेही उघडता आले नाही. तर हॅरी ब्रूक 13, वॉशिंगट सूंदर 1 आणि ग्लेन फिलिप्स 8 धावांवर तंबूत परतले.