IPL 2023 : दिल्ली-मुंबई सामन्यानंतर गुणतालिकेत मोठा बदल, पाहा सध्याची स्थिती

IPL Points Table : अखेरच्या चेंडूपर्यंत रंगलेल्या सामन्यात मुंबईने दिल्लीचा सहा विकेटने पराभव केला.

IPL 2023

Source : PTI

IPL 2023 Points Table : अखेरच्या चेंडूपर्यंत रंगलेल्या सामन्यात मुंबईने दिल्लीचा सहा विकेटने पराभव केला. रोहित शर्मा याने अर्धशतकी खेळी केली. तर तिलक वर्मा याने झटपट 41 धावांचे योगदान दिले. अटीतटीच्या लढतीत अखेरच्या चेंडूवर मुंबईने विजय मिळवला. आयपीएलच्या 16 व्या हंगामातील मुंबईचा पहिला विजय आहे. तर दिल्लीचा सलग चौथा पराभव झाला. मुंबई आणि दिल्ली यांच्यातील सामन्यानंतर गुणतालिकेत मोठा बदल झालाय. मुंबई इंडियन्सने गुणतालिकेत आठव्या क्रमांकावर झेप घेतली आहे. तर दिल्ली कॅपिटल्स तळाशी दाहाव्या क्रमांकावर विराजमान आहे. 

गुणतालिकेची स्थिती काय ?

केएल राहुलच्या नेतृत्वातील लखनौ सुपर जायंट्स गुणतालिकेत पहिल्या क्रमांकावर आहे. लखनौने चार सामन्यात तीन विजय मिळवले आहेत. सहा गुणांसह लखनौचा संघ पहिल्या स्थानावर आहे. दुसऱ्या क्रमांकावर राजस्थान रॉयल्स आहे. गतविजेता गुजरात संघ चौथ्या क्रमांकावर आहे. तर कोलकाता संघ तिसऱ्या स्थानावर आहे. धोनीच्या नेतृत्वातील चेन्नई पाचव्या, पंजाब सहाव्या आणि आरसीबी सातव्या क्रमांकावर विराजमान आहे. मुंबईचा संघ आठव्या क्रमांकावर आहे. तर हैदराबाद नवव्या स्थानावर आहे.
राजस्थान रॉयल्स, कोलकाता नाइट रायडर्स, गुजरात टायटंस, चेन्नई सुपर किंग्स आणि पंजाब किंग्स या सर्व संघाचे प्रत्येकी चार चार गुण आहे. पण सरस नेट रनरेटच्या आधारावर राजस्थान आणि कोलकाता हे संघ आघाडीवर आहेत.  

IPL 2023 Points Table - Mumbai Indians finally with a point.

Delhi Capitals remains the only team to not register a victory. pic.twitter.com/yUlSXVrQo9

— Mufaddal Vohra (@mufaddal_vohra) April 11, 2023

रोहित शर्माची अर्धशतकी खेळी, त्याला वर्माची चांगली साथ - 

मुंबईने दिल्लीचा सहा विकेटने पराभव केला. रोहित शर्मा याने अर्धशतकी खेळी केली. तर तिलक वर्मा याने झटपट 41 धावांचे योगदान दिले. रोहित शर्माने कर्णधाराला साजेशी खेळी केली. पहिल्या चेंडूपासून रोहित शर्मा याने दिल्लीच्या गोलंदाजांचा समाचार घेतला. रोहित शर्माने 45 चेंडूत 65 धावांची खेळी केली. या खेळीत रोहित शर्मा याने चार षटकार आणि सहा चौकार लगावले. रोहित शर्मा याने सुरुवातीला ईशान किशन याच्यासोबत 71 धावांची भागीदारी केली. त्यानंतर तिलक वर्मा याच्यासोबतही अर्धशतकी खेळी केली. 

6️⃣5️⃣ runs
4️⃣5️⃣ balls
6️⃣ fours
4️⃣ sixes@ImRo45 was remarkable with the bat tonight in a match-winning chase for @mipaltan 🫡

Sit back and enjoy his knock here 🎥🔽 #TATAIPL | #DCvMIhttps://t.co/ArorF4kp72

— IndianPremierLeague (@IPL) April 11, 2023