IPL 2022, KKR vs PBKS : कोलकात्यासमोर आज पंजाबचे आव्हान, कधी, कुठे पाहाल सामना?

IPL 2022 : पहिल्या सामन्यात दमदार विजय मिळवलेल्या पंजाब संघाची लढत आज कोलकात्याशी होणार असून मुंबईच्या वानखेडे मैदानात हा सामना होणार आहे.

PBKS vs KKR

KKR vs PBKS : आजचा सामना कोलकाता नाईट रायडर्स विरुद्ध पंजाब किंग्स (KKR vs PBKS) या दोन्ही संघात पार पडणार आहे.  आयपीएलच्या यंदाच्या हंगामाची सुरुवात कोलकाता नाईट रायडर्सने विजयाने केली होती. पण दुसऱ्या सामन्यात बंगळुरु संघाने त्यांना 3 विकेट्सने मात दिली आहे. दुसरीकडे पंजाब आपला एकच सामना खेळली असून त्यांनी त्यात दमदार विजय मिळवत बंगळुरु संघाला 5 विकेट्सने मात दिली आहे. त्यामुळे आज हे दोन्ही संघ विजयासाठी मैदानात प्रयत्नांची शिकस्त करतील हे नक्की. 

आयपीएलमध्ये आज लढणाऱ्या कोलकाता नाईट रायडर्स आणि पंजाब किंग्स यांच्यातील सामन्यात दोन्ही संघात काही दमदार अनुभवी खेळाडू असल्याने सामना चुरशीचा होणार यात शंका नाही. केकेआरचा कर्णधार म्हणून श्रेयस अय्यर तर पंजाबचा कर्णधार म्हणून मयांक अगरवाल मैदानात उतरणार आहे.

कधी आहे सामना?

आज 1 एप्रिल रोजी होणारा हा कोलकाता नाईट रायडर्स विरुद्ध पंजाब किंग्स यांच्यातील सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल.  

कुठे आहे सामना?

हा सामना मुंबईतील वानखेडे स्टेडियमवर खेळवला जाणार आहे.

कुठे पाहता येणार सामना?

कोलकाता नाईट रायडर्स विरुद्ध पंजाब किंग्स यांच्यातील सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल. 

हे देखील वाचा-

• LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha