एक्स्प्लोर

IPL 2021: मुंबईविरुद्ध केकेआरला आपल्या गोलंदाजांकडून चांगल्या कामगिरीची अपेक्षा; आतापर्यंतची आकडेवारी काय सांगते?

Written By : एबीपी माझा वेबटीम | Updated at : 23 Sep 2021 04:12 PM (IST)

IPL 2021, KKR Playing 11 for the important match against Mumbai Indians IPL 2021: मुंबईविरुद्ध केकेआरला आपल्या गोलंदाजांकडून चांगल्या कामगिरीची अपेक्षा; आतापर्यंतची आकडेवारी काय सांगते?

संग्रहित छायाचित्र

IPL 2021: इंडियन प्रीमियर लीग सीझन 14 मध्ये कोलकाता नाईट रायडर्सची गुरुवारी मुंबई इंडियन्सशी लढत होईल. आयपीएल 14 च्या उत्तरार्धात केकेआरने आरसीबीला हरवून चांगली सुरुवात केली आहे. मात्र, मुंबई इंडियन्सविरुद्धचा त्यांचा खराब रेकॉर्ड पाहता, केकेआरचा संघ प्लेइंग 11 मध्ये कोणताही बदल करणार नाही.

केकेआरचा मुंबई इंडियन्सविरुद्धचा रेकॉर्ड अतिशय वाईट आहे. आयपीएलच्या इतिहासात केकेआरने आतापर्यंत 28 वेळा मुंबई इंडियन्सचा सामना केला आहे. या 28 सामन्यांमध्ये केकेआरने 6 सामने जिंकले आहेत, तर 22 सामन्यात त्यांना पराभवाला सामोरे जावे लागले आहे.

शुभमन गिलचे पुनरागमन केकेआरसाठी मोठा दिलासा देणारे ठरले आहे. आरसीबीविरुद्ध गोलंदाजांच्या उत्कृष्ट कामगिरीनंतर शुभमन गिलने 48 धावांची खेळी खेळली. यासह, शुभमन गिलला वेंकटेश अय्यरमध्ये एक चांगला जोडीदार मिळत असल्याचे दिसते, ज्याने आरसीबीविरुद्ध नाबाद 41 धावा केल्या.

केकेआरचे गोलंदाज उत्कृष्ट फॉर्ममध्ये
केकेआरसाठी मुंबई इंडियन्सविरुद्धचा सामना अत्यंत महत्त्वाचा आहे. केकेआरने आतापर्यंत आयपीएल 14 मध्ये आठ सामने खेळले आहेत, त्यापैकी ते फक्त तीन जिंकले आहेत. जर केकेआरने आजचा सामना गमावला, तर त्यांना प्लेऑफमध्ये जाणे खूप कठीण होईल.

मात्र, केकेआरचे गोलंदाज उत्कृष्ट फॉर्ममध्ये दिसत आहेत. RCB ला KKR ने त्याच्या शानदार गोलंदाजीच्या बळावर 92 धावांवर ऑलआऊट झाला. केकेआर या सामन्यात वरुण चक्रवर्ती आणि आंद्रे रसेल यांच्याकडूनही त्याच प्रकारच्या गोलंदाजीची अपेक्षा करेल.

प्लेईंग इलेव्हन 11
केकेआर: शुभमन गिल, व्यंकटेश अय्यर, राहुल त्रिपाठी, नितीश राणा, इयोन मॉर्गन (कर्णधार), दिनेश कार्तिक, आंद्रे रसेल, सुनील नारायण, लोकी फर्ग्युसन, प्रणली कृष्णा आणि वरुण चक्रवर्ती.

आयपीएल 2021 च्या दुसऱ्या टप्प्याचे संपूर्ण वेळापत्रक (IPL 2021 Second Phase Mumbai Indians Schedule)