IPL 2018 : मुंबईचा सलग दुसरा पराभव, हैदराबादचा एका विकेटने विजय

शेवटच्या चेंडूपर्यंत रंगलेल्या सामन्यात सनरायझर्स हैदराबादनं मुंबई इंडियन्सवर एक विकेट राखून विजय मिळवला.

मुंबई : शेवटच्या चेंडूपर्यंत रंगलेल्या सामन्यात सनरायझर्स हैदराबादनं मुंबई इंडियन्सवर एक विकेट राखून विजय मिळवला. आयपीएलच्या अकराव्या मोसमात मुंबईला सलग दुसऱ्या पराभवाला सामोरं जावं लागलं. हैदराबादच्या राजीव गांधी स्टेडियमवर खेळवण्यात आलेल्या या सामन्यात मुंबईनं हैदराबादला 20 षटकात 148 धावांचं आव्हान दिलं होतं. हैदराबादच्या प्रभावी गोलंदाजीमुळे मुंबईला 20 षटकात आठ बाद 147 धावांची मजल मारता आली होती.

IPL 2018 : चेन्नई सुपरकिंग्सचा मुंबई इंडियन्सवर एका विकेटने विजय

मुंबई इंडियन्सच्या मयंक मार्कंडे आणि मुस्तफिजूर रेहमानच्या प्रभावी माऱ्यासमोर हैदराबादची नऊ बाद 137 अशी दाणादाण उडाली होती. पण हैदराबादच्या दीपक हुडानं संयमी खेळी करत यंदाच्या आयपीएलमध्ये सनरायझर्सला सलग दुसरा विजय मिळवून दिला. हुडानं नाबाद 32 धावांची खेळी केली. तर शिखर धवननं आठ चौकारांसह 45 धावा फटकावल्या. महेंद्रसिंग धोनीच्या 'चेन्नई सुपर किंग्स'ने शनिवारी 'मुंबई इंडियन्स'चा एका विकेटने सनसनाटी पराभव केला होता. केदार जाधवने एक चेंडू राखून चेन्नईच्या विजयावर शिक्कामोर्तब केलं होतं.