(Source: ECI/ABP News/ABP Majha)
IND vs NZ 1st Test, LIVE : टीम इंडिया विरुद्ध न्यूझीलंड पहिला कसोटी सामना, प्रत्येक अपडेट
IND vs NZ 1st Test, Day 3 LIVE : टीम इंडिया विरुद्ध न्यूझीलंड पहिला कसोटी सामन्याचा आज तिसरा दिवस. प्रत्येक अपडेट एका क्लिकवर...
LIVE
Background
IND vs NZ 1st Test Kanpur : कानपूरमध्ये सुरु असलेल्या पहिल्या कसोटी सामन्यात भारतीय संघानं (Indian Cricket Team) पहिल्या दिवशी चांगली सुरुवात केली आहे. दिवसाखेर भारताने दिलासादायक सुरुवात करत 4 विकेट्सच्या बदल्यात 258 धावा केल्या आहेत. शुभमन, श्रेयस आणि जाडेजा यांच्या अर्धशतकांमुळे भारत सुस्थितीत आहे. आज दुसऱ्या दिवशी भारतीय संघ मोठी धावसंख्या उभारण्याच्या इराद्याने मैदानात उतरेल. शिवाय आज श्रेयस अय्यरकडे नवा इतिहास रचण्याची संधी आहे. पदार्पणाच्या कसोटी सामन्यात शतक झळकावण्याची संधी त्याच्याकडे आहे.
श्रेयसचा पदार्पणातच धमाका
श्रेय्यस अय्यरनं 2017 मध्ये भारताकडून एकदिवसीय आंतरराष्ट्रीय क्रिकेटमध्ये पदार्पण केलं होतं. त्यानं श्रीलंकाविरुद्ध धर्मशाला येथे पहिला एकदिवसीय सामना खेळला होता. श्रेयस अय्यरनं काल कसोटीमध्ये पदार्पण केलं. पहिल्या सामन्यातच त्याने अर्धशतक झळकावलं असून सध्या तो 136 चेंडूत 75 धावांवर खेळत आहे. त्याच्याकडे पदार्पणाच्या कसोटीत शतक करत इतिहास रचण्याची संधी आहे. याआधी भारताकडून 14 खेळाडूंनी पदार्पणाच्या कसोटीत शतक झळकावण्याची किमया साधली आहे.
या भारतीयांनी ठोकलंय पदार्पणाच्या कसोटीत शतक
लाला अमरनाथ, दीपक शोधन, एजी कृपाल सिंह, अब्बास अली बैग, हनुमंत सिंह, गुंडाप्पा विश्वनाथ, सुरिंदर अमरनाथ, मोहम्मद अझरुद्दीन, प्रवीण आमरे, सौरव गांगुली, विरेंद्र सहवाग, सुरेश रैना, शिखर धवन, रोहित शर्मा या खेळाडूंनी आपल्या पदार्पणाच्या कसोटीत शतक झळकावण्याचा पराक्रम केला आहे.
कानपूर कसोटीत भारताची चांगली सुरुवात
सामन्याची सुरुवात सलामीवीर शुभमनने उत्तम करुन दिली. अगरवाल (13) आणि पुजारा (26) यांनी त्याला काहीशी साथ दिली. तर पण शुभमनने अर्धशतक (52) झळकावल्यानंतर तोही तंबूत परतला. कर्णधार रहाणेही 35 धावा करुन बाद झाला. आता अय्यर नाबाद 75 आणि जाडेजा नाबाद 50 धावांवर खेळत आहेत.
चौथ्या दिवशीचाा खेळ संपला, न्यूझीलंडला विजयासाठी 280 धावांची गरज
चौथ्या दिवशी भारताने जबरदस्त खेळ दाखवला आहे. अय्यर आणि साहा यांनी अर्धशतक झळकावत भारताला 234 धावांपर्यत पोहोचवलं. ज्यानंतर भारताने डाव घोषित करत न्यूझीलंडला 284 धावांच आव्हान दिलं. ज्यानंतर दिवसाच्या शेवटी भारताने न्यूझीलंडचा सलामीवीर यंगला बाद केलं आहे. त्यामुळे आता न्यूझीलंडला विजयासाठी 280 धावांची गरज असून त्यांच्या हातात 9 गडी आहेत.
भारताला मोठं यश, विल यंग बाद
भारतासाठी आजचा दिवस चांगला ठरत असून 283 धावांचं आव्हान न्यूझीलंडला दिल्यानंतर भारताने तिसऱ्याच षटकात न्यूझीलंडचा सलामीवीर विल यंगलाही तंबूत धाडलं आहे. आश्विनने त्याला पायचीत केलं आहे.
भारताकडून 234 धावांवर डाव घोषित, न्यूझीलंडला विजयासाठी 283 धावांचे आव्हान
चौथ्या दिवशीच्या सुरुवातीला खराब खेळ दाखवल्यानंतर भारताकडून श्रेयस आणि साहा यांनी अर्धशतक झळकावलं. तर आश्विननेही 32 धावांची महत्त्वपूर्ण खेळी केली. ज्यामुळे भारताने 234 धावांपर्यंत मजल मारली असून आता डाव घोषित केला आहे. त्यामुळे न्यूझीलंडला विजयासाठी 283 धावांची गरज आहे.
साहाचं संयमी अर्धशतक
भारताचा यष्टीरक्षक रिद्धिमान साहाने आज अडचणीत सापडलेल्या भारतीय संघाला सावरलं आहे. त्याने नुकतचं अर्धशतक पूर्ण केलं असून तो अक्षर पटेलसह फलंदाजी करत आहे. भारताने 270 धावांची आघाडी घेतली आहे.
श्रेयस नावाचं वादळ थांबलं, दुसऱ्या डावात 65 धावा करुन बाद
सामन्यातील दोन्ही डावात अप्रतिम कामगिरी करणारा श्रेयस अय्यर अखेर बाद झाला आहे. 65 धावांवर अय्यर बाद झाला असून साऊदीच्या चेंडूवर ब्लंडलने त्याचा झेल घेतला आहे. भारताची अवस्था 60.2 ओव्हरनंतर 167 वर 7 बाद अशी आहे.
महत्त्वाच्या बातम्या
ट्रेंडिंग न्यूज
