IND vs ENG, Men's Hockey : भारतीय विरुद्ध इंग्लंड रोमहर्षक सामना अखेर अनिर्णीत, दोन्ही संघाच्या खात्यावर प्रत्येकी 4 गोल

Commonwealth Games 2022 : कॉमनवेल्थ क्रीडा स्पर्धेत भारतीय पुरुष हॉकी संघाचा इंग्लंडविरुद्धचा सामना अनिर्णीत राहिला, सामन्यात भारताचा विजय होणार असे वाटत असतानाच इंग्लंडने अखेरच्या काही मिनिटांत सामना फिरवला.

भारतीय पुरुष हॉकी संघ

IND vs ENG, Men's Hockey: बर्मिंगहॅम कॉमनवेल्थ क्रीडा स्पर्धेत (Commonwealth Games 2022) भारतीय पुरुष हॉकी संघाचा (India Men's Hockey Team) इंग्लंडविरुद्धचा सामना (India vs England) अनिर्णीत राहिला आहे. सामन्यात एका क्षणी 3-0 च्या फरकाने आघाडीवर असणारा भारत सामना नक्कीच जिंकेल असे सर्वांना वाटत होते. पण शेवटच्या दोन क्वॉर्टरमध्ये इंग्लंडच्या खेळाडूंनी अप्रतिम खेळ दाखवत एकामागे एक गोल केले आणि सामना अखेर 4-4 च्या फरकाने अनिर्णीत सुटला.

Points shared at the full-time! On to the next one 💪

IND 4:4 ENG #IndiaKaGame #HockeyIndia #B2022 #Birmingham2022 @CMO_Odisha @sports_odisha @IndiaSports @Media_SAI pic.twitter.com/MrBRqQeNdM

— Hockey India (@TheHockeyIndia) August 1, 2022

 

कॉमनवेल्थ स्पर्धेत भारताकडून पदकाची अपेक्षा

भारताच्या गटात घाना, इंग्लंड, वेल्स आणि कॅनडा हे संघ आहेत. पहिल्या सामन्यात भारताने घानाला मात दिल्यानंतर भारताचा यजमान इंग्लंडविरुद्धचा सामना अनिर्णीत सुटला. यानंतर भारतीय संघ येत्या 3 ऑगस्टला कॅनडाशी (India vs Canada) भिडणार आहे. तर, 4 ऑगस्टला वेल्सशी गटातील अखेरचा सामना खेळेल. सध्या बर्मिंगहॅम येथे सुरु असलेल्या कॉमनवेल्थ स्पर्धेत भारतीय पुरुष हॉकी संघाकडून पदकाची अपेक्षा केली जात आहे. 

घानाविरुद्ध मिळवला होता दमदार विजय

भारतीय पुरुष हॉकी संघानं त्यांच्या गटातील पहिल्याच सामन्यात सामन्यात घानाचा (IND vs GHA) 11-0 असा पराभव केला होता. या सामन्यात भारतासाठी आठ वेगवेगळ्या खेळाडूंनी गोल केले. भारतीय हॉकी संघाचा उपकर्णधार हरमनप्रीत सिंह (Harmanpreet Singh) सर्वाधिक तीन गोल केले होते.

हे देखील वाचा-