FIFA WC 2022 : फिफा विश्वचषक स्पर्धेत अर्जेंटिना-फ्रान्समध्ये झालांय तीन वेळा सामना, 'असा' आहे रेकॉर्ड!

FIFA WC 2022 :अर्जेंटिना-फ्रान्स याआधी दोन्ही संघ तीन वेळा आमनेसामने आले आहेत. यामध्ये अर्जेंटिनाचा वरचष्मा आहे.

Fifa World Cup

FIFA WC 2022 : फिफा विश्वचषक 2022 (FIFA World Cup 2022) कतार येथे झालेल्या विश्वचषक फायनलमध्ये अर्जेंटिनाने फ्रान्सचा पेनल्टी शूटआऊटमध्ये 4-2 असा पराभव केला. तब्बल 36 वर्षांनंतर त्याला विश्वचषक जिंकता आला आहे. 1978 आणि 1986 नंतर त्याने आता तिसऱ्यांदा विजेतेपद पटकावले आहे. FIFA विश्वचषक 2022 (FIFA WC 2022) मध्ये अर्जेंटिना-फ्रान्स याआधी दोन्ही संघ तीन वेळा आमनेसामने आले आहेत. यामध्ये अर्जेंटिनाचा वरचष्मा आहे. या दक्षिण अमेरिकेच्या संघाने दोन सामने जिंकले होते, तर फ्रान्सने एक सामना जिंकला आहे.

1930 मध्ये पहिल्यांदा झाला होता सामना
92 वर्षांपूर्वी उरुग्वे येथे झालेल्या पहिल्या विश्वचषकात हे दोन्ही संघ ग्रुप आमनेसामने आले होते. अर्जेंटिनाने हा सामना 1-0 ने जिंकला होता. अर्जेंटिनाकडून लुईस मॉन्टीने गोल केला. लुईस मोंटी हा देखील एकमेव व्यक्ती आहे. जो दोन संघांसाठी विश्वचषक अंतिम सामना खेळला आहे. 1930 मध्ये अर्जेंटिनाकडून खेळल्यानंतर तो 1934 मध्ये इटलीकडून विश्वचषक फायनल खेळला.

फ्रान्स आणि अर्जेंटिना तब्बल 48 वर्षांनंतर भिडले
1978 च्या विश्वचषकातही अर्जेंटिना आणि फ्रान्सचे संघ एकाच गटात होते. हा सामनाही अर्जेंटिनाने जिंकला होता. अर्जेंटिनासाठी पहिल्या हाफमध्ये डॅनियल पासरेलाने पेनल्टी स्पॉटवरून गोल करून संघाला आघाडी मिळवून दिली. उत्तरार्धात फ्रान्सच्या मायकेल प्लॅटिनीने 60 व्या मिनिटाला बरोबरी साधणारा गोल करून सामन्यात रोमांच आणला होता. मात्र, अवघ्या 13 मिनिटांनी लिओपोल्डो लुकेच्या गोलने अर्जेंटिनाला पुन्हा आघाडी मिळवून दिली. अर्जेंटिनाने हा सामना 2-1 असा जिंकला होता.

16 वर्षांचे वर्चस्व मोडून काढण्याचे आव्हान

अर्जेंटिना संघ फिफा विश्वचषक 2022 चा चॅम्पियन बनला आहे. स्पर्धा सुरू होण्यापूर्वीच यावेळी युरोपीय वर्चस्वाला तडा जाणार की काय, अशी चर्चा होती. 2006 ते 2022 पर्यंत, फक्त युरोपियन देश फिफा विश्वचषक चॅम्पियन होते. तेव्हापासून, युरोपीय राष्ट्रांनी ब्राझील आणि अर्जेंटिना यांना प्रत्येक विश्वचषकात विजेतेपदाचे मानकरी असूनही फिफा वर्ल्ड ट्रॉफीतून बाहेर ठेवले आहे. नेमार आणि लिओनेल मेस्सीच्या नेतृत्वाखाली ब्राझील आणि अर्जेंटिना कतारमध्ये आपला दावा मांडण्यासाठी आले, तेव्हा या दोन्ही देशांसमोर युरोपातील 16 वर्षांचे वर्चस्व मोडून काढण्याचे आव्हान होते.

दक्षिण अमेरिकेतून ब्राझील, अर्जेंटिना, उरुग्वे हे विजेते
सर्वाधिक पाच वेळा विश्वविजेता (1958, 1962, 1970, 1994, 2022) ब्राझील आणि तीन वेळा विजेतेपद पटकावणारा अर्जेंटिना (1978, 1986) या वेळीही विजेतेपदाचे प्रबळ दावेदार होते. मात्र, वेगवान आणि आक्रमक फुटबॉल खेळणारा अर्जेंटिना संघ बचावात्मक आणि तांत्रिक फुटबॉल खेळत युरोपीय देशांच्या पुढे गेला आहे.

इतर बातम्या