Ram Mandir : कपिल देव, सचिन तेंडुलकर ते धोनीपर्यंत! किती खेळाडूंना राम मंदिर सोहळ्याचे निमंत्रण मिळाले?

सचिन तेंडुलकर व्यतिरिक्त माजी कर्णधार कपिल देव, सुनील गावसकर, महेंद्रसिंह धोनी, विराट कोहली, सौरभ गांगुली, अनिल कुंबळे, वीरेंद्र सेहवाग आणि भारतीय क्रिकेट प्रशिक्षक राहुल द्रविड यांचाही समावेश आहे.

Cricketers invited for Ram Temple Pran Pratishtha at Ayodhya (photo credit - social media)

Ram Mandir : राम मंदिर अभिषेक सोहळ्यासाठी सचिन तेंडुलकर, बुद्धिबळ ग्रँडमास्टर विश्वनाथन आनंद, 'स्प्रिंट क्वीन' पीटी उषा आणि स्टार फुटबॉलपटू बायचुंग भुतिया यांच्यासह अनेक स्टार खेळाडूंना आमंत्रित करण्यात आले आहे. निमंत्रण यादीत अनेक विशेष पाहुण्यांचा समावेश आहे. यामध्ये राजकारणी, अभिनेते, क्रीडा तारे आणि उद्योगपतींचा समावेश आहे. 

Cricketers invited for Ram Temple Pran Pratishtha at Ayodhya. [PTI]

Sachin Tendulkar, Dhoni, Kohli, Rohit Sharma, Gavaskar, Kapil Dev, Dravid, Sehwag, Ganguly, Kumble, Jadeja. pic.twitter.com/Aaolg8MBoc

— Johns. (@CricCrazyJohns) January 20, 2024

किती क्रिकेटपटूंना निमंत्रण मिळाले?

सचिन तेंडुलकर व्यतिरिक्त माजी कर्णधार कपिल देव, सुनील गावसकर, महेंद्रसिंह धोनी, विराट कोहली, सौरभ गांगुली, अनिल कुंबळे, वीरेंद्र सेहवाग आणि भारतीय क्रिकेट प्रशिक्षक राहुल द्रविड यांचाही समावेश आहे. रवींद्र जडेजा आणि रोहित शर्मा यांनाही आमंत्रित करण्यात आले आहे. वेटलिफ्टर कर्णम मल्लेश्वरी, फुटबॉलपटू कल्याण चौबे, धावपटू कविता राऊत आणि पॅरालिम्पिक भालाफेकपटू देवेंद्र झाझरिया यांनाही निमंत्रण पाठवण्यात आले आहे. महिला क्रिकेटची कर्णधार मिताली राज, हरमनप्रित कौर, स्मृती मानधना, बॅडमिंटनपटू सायना नेहवाल आणि पीव्ही सिंधू आणि त्यांची प्रशिक्षक पुलेला गोपीचंद यांनाही निमंत्रण मिळाले आहे. मात्र, त्यांच्यापैकी कोण प्राणप्रतिष्ठा कार्यक्रमाला उपस्थित राहणार हे अद्याप स्पष्ट झालेले नाही.

22 जानेवारीला रामललाचा अभिषेक कार्यक्रम होणार

अनेक दशकांनंतर अयोध्येत उभारल्या जाणाऱ्या राम मंदिरासाठी जगभरातील भाविकांच्या मनात प्रचंड उत्साह आहे. 22 जानेवारीला रामललाचा अभिषेक कार्यक्रम होणार आहे. दुपारी साडेबारा वाजताची वेळ निश्चित करण्यात आली आहे. श्री रामजन्मभूमीतीर्थ क्षेत्र ट्रस्टने राम लल्लाच्या प्राणप्रतिष्ठा कार्यक्रमासाठी अनेक प्रमुख लोकांना आमंत्रित केले आहे.

प्राणप्रतिष्ठा कार्यक्रमासाठी खास प्रकारचे निमंत्रण पत्र तयार करण्यात आले आहे. जे देशातील 6000 हून अधिक खास पाहुण्यांना पाठवण्यात आले आहे. ज्यामध्ये 4000 संत आणि 2200 इतर लोक आहेत. यासोबतच सहा दर्शनांचे शंकराचार्य आणि सुमारे दीडशे ऋषी-मुनीही या कार्यक्रमात सहभागी होणार आहेत. 

रामलल्लाच्या अभिषेकासाठी निमंत्रण पत्रात आहे तरी काय?

राम मंदिरासाठी पाठवल्या जाणाऱ्या निमंत्रण पत्रिकेच्या मुखपृष्ठावर 'अनादिक आमंत्रण, श्री राम धाम अयोध्या' असे लिहिले आहे. या निमंत्रण पत्रात काही गोष्टी भेट म्हणून ठेवल्या आहेत. निमंत्रण पत्रिकेवर श्री रामजन्मभूमी मंदिराचे चित्र असलेले कार्ड असून त्यावर श्री रामजन्मभूमी तीर्थक्षेत्राचा लोगो आहे. यासोबतच पिवळा अक्षतही ठेवला आहे. कार्यक्रमाच्या दिवशी जे लोक येणार त्यांच्याकडे पास आणि QR कोड आणि पार्किंग एरियापर्यंत कसे पोहोचायचे याची माहिती असेल.

यासोबतच एक छोटेसे पुस्तकही आहे ज्यामध्ये 1528 ते 1984 या काळात रामजन्मभूमी आंदोलनाशी संबंधित सर्व 20 लोकांची संपूर्ण माहिती आहे. ज्यामध्ये देवराह बाबा ते के अशोक सिंघलपर्यंतची नावे नोंदवली आहेत. निमंत्रण पत्रिकेत एक माहिती कार्ड देखील ठेवण्यात आले आहे ज्यामध्ये पंतप्रधान नरेंद्र मोदी, आरएसएस प्रमुख मोहन भागवत, उत्तर प्रदेशच्या राज्यपाल आनंदीबेन पटेल, मुख्यमंत्री योगी आदित्यनाथ आणि श्री रामजन्मभूमी तीर्थ क्षेत्राचे अध्यक्ष महंत नृत्य गोपाल दास यांच्या नावाचा उल्लेख आहे. .