NZ vs ENG कसोटीनंतर WTC पॉइंट्स टेबलमध्ये मोठी उलथापालथ! न्यूझीलंडला धक्का, जिंकूनही इंग्लंड आहे तिथेच!
World Test Championship 2023-25 Points Table : इंग्लंड क्रिकेट संघाने पहिल्या कसोटी सामन्यात न्यूझीलंडचा 8 गडी राखून पराभव केला आहे.
England vs New Zealand WTC Points Table : इंग्लंड क्रिकेट संघाने पहिल्या कसोटी सामन्यात न्यूझीलंडचा 8 गडी राखून पराभव केला आहे. या सामन्यात ब्रेडन कार्सने इंग्लंडसाठी चमकदार कामगिरी केली आणि 10 विकेट्स घेत संघाला विजय मिळवून दिला. त्याच्या उत्कृष्ट कामगिरीसाठी त्याला सामनावीराचा पुरस्कार मिळाला आहे. या विजयासह इंग्लंडने तीन कसोटी सामन्यांच्या मालिकेत 1-0 अशी आघाडी घेतली. पण वर्ल्ड टेस्ट चॅम्पियनशिप 2023-25 च्या पॉइंट टेबलमध्ये इंग्लंडला जिंकूनही फायदा झालेला नाही.
Brydon Carse and Jacob Bethell star on the fourth day as England secure a comfortable win 👏#WTC25 | #NZvENG 📝: https://t.co/P1YGKLPGcq pic.twitter.com/dTkPTM8cJw
— ICC (@ICC) December 1, 2024
न्यूझीलंडविरुद्धची कसोटी जिंकण्यापूर्वी इंग्लंडचा संघ WTC 2023-25 च्या गुणतालिकेत सहाव्या स्थानावर होता, मात्र विजयानंतरही ते सहाव्या स्थानावर कायम आहे. फक्त त्याच्या PCT मध्ये बदल झाला आहे. त्याचे पीसीटी आता 43.75 आहे. WTC च्या सध्याच्या सायकलमध्ये इंग्लंडने एकूण 20 सामने खेळले आहेत, त्यापैकी त्यांनी 10 जिंकले आहेत आणि 9 गमावले आहेत आणि त्यांना अंतिम फेरी गाठणे जवळजवळ अशक्य आहे.
The path to the WTC Final becomes even more interesting as South Africa pick pace 🔥#SAvSL | #WTC25
— ICC (@ICC) November 30, 2024
More ➡ https://t.co/XzEquQOCYO pic.twitter.com/wO8oscYx7W
दुसरीकडे, हरल्यानंतरही न्यूझीलंडला कोणतेही नुकसान झालेले नाही, कारण सामन्यापूर्वी संघ चौथ्या क्रमांकावर होता आणि अजूनही त्याच क्रमांकावर आहे. न्यूझीलंडचे पीसीटी कमी झाले आहे. संघाने आतापर्यंत 12 सामने खेळले आहेत, त्यापैकी 6 जिंकले आहेत आणि 6 गमावले आहेत. त्याचे पीसीटी 50.00 आहे. न्यूझीलंडला इंग्लंडविरुद्ध अजून दोन कसोटी सामने खेळायचे आहेत आणि ते दोन्ही सामने जिंकून आपली जागा मजबूत करू शकतात. इंग्लंड विरुद्ध न्यूझीलंड सामन्यानंतर फक्त या दोन संघांचे पीसीटी बदलले आहे, उर्वरित पॉइंट टेबलमध्ये कोणताही बदल झालेला नाही.
भारतीय संघ पहिल्या क्रमांकावर
WTC पॉइंट टेबलमध्ये भारतीय संघ पहिल्या क्रमांकावर कायम आहे. या संघाने 15 सामने खेळले आहेत, त्यापैकी 9 जिंकले आहेत आणि 5 गमावले आहेत. त्याची पीसीटी 61.11 आहे. टीम इंडियाने बॉर्डर-गावसकर ट्रॉफीमध्ये ऑस्ट्रेलियाविरुद्धचा पहिला सामना 295 धावांनी जिंकला. भारताला अंतिम फेरी गाठण्याच्या आशा अजूनही आहेत. दुसरीकडे, ऑस्ट्रेलियन संघ 59.26 पीसीटीसह दुसऱ्या स्थानावर कायम आहे.
हे ही वाचा :
महत्त्वाच्या बातम्या
