एक्स्प्लोर

Women's T20 World Cup 2024 Schedule: महिला टी-20 विश्वचषकाचे वेळापत्रक जाहीर; भारत अन् पाकिस्तान एकाच ग्रुपमध्ये, पाहा कधी होणार सामना

Women's T20 World Cup 2024 Schedule: आयसीसीने महिला टी-20 विश्वचषक 2024 स्पर्धा बांगलादेशमध्ये आयोजित करण्यात आली आहे.

By : मुकेश चव्हाण | Updated at : 05 May 2024 02:31 PM (IST)

Women's T20 World Cup 2024 Schedule

Source : ICC

Women's T20 World Cup 2024 Schedule: आयसीसीने महिला टी-20 विश्वचषक 2024 (Women's T20 World Cup 2024) स्पर्धेचे वेळापत्रक जाहीर केले आहे. यंदाची स्पर्धा बांगलादेशमध्ये आयोजित करण्यात आली आहे. या स्पर्धेत भारतीय महिलांचा संघ ग्रुप ए मध्ये असून पाकिस्तान, ऑस्ट्रेलिया आणि न्यूझीलंडचा संघ देखील या ग्रुपमध्ये आहे.

3 ऑक्टोबरपासून आयसीसीने महिला टी-20 विश्वचषक 2024 च्या स्पर्धेला सुरुवात होणार आहे. या स्पर्धेतील पहिला सामना इंग्लंड आणि दक्षिण अफ्रिका यांच्यात खेळवला जाणार आहे. तर भारताचा पहिला सामना न्यूझीलंडसोबत होणार आहे. 4 ऑक्टोबरला भारत आणि न्यूझीलंडचा संघ एकमेकांसोबत भिडणार आहे.

The Hon’ble Prime Minister of Bangladesh Sheikh Hasina with Bangladesh captain Nigar Sultana and India captain Harmanpreet Kaur at the fixtures launch of the ICC Women's #T20WorldCup 2024 📸 pic.twitter.com/5tbCN8UFHC
— ICC (@ICC) May 5, 2024

जगभरातील अनेक चाहते भारत आणि पाकिस्तानच्या सामन्याची वाट पाहत असतात. महिला टी-20 विश्वचषक 2024 च्या स्पर्धेत भारत आणि पाकिस्तानचा सामना 6 ऑक्टोबरला होणार आहे. यानंतर भारत आणि क्वालिफायर-1 यांच्यात सामना होईल. यानंतर भारत आणि ऑस्ट्रेलियाचा सामना 13 ऑक्टोबरला रंगेल. या स्पर्धेतील पहिला उपांत्य फेरीचा सामना 17 ऑक्टोबर आणि दुसरा उपांत्य फेरीचा सामना 18 ऑक्टोबरला होईल, तर अंतिम सामना 20 ऑक्टोबर रोजी आयोजित करण्यात आला आहे.

आयसीसी महिला T20 विश्वचषक 2024 मध्ये एकूण 23 सामने खेळवले जाणार आहेत. हे सामने ढाका आणि सिलहटमध्ये 19 दिवसांत होतील. स्पर्धेसाठी दोन गट तयार करण्यात आले आहेत. अ गटात पाच संघ आहेत. ब गटातही पाच संघ आहेत. या गटात भारत, पाकिस्तान, ऑस्ट्रेलिया, न्यूझीलंड आणि क्वालिफायर 1 चे संघ असतील. दक्षिण आफ्रिका, इंग्लंड, वेस्ट इंडिज, बांगलादेश आणि क्वालिफायर 2 संघांना ब गटात ठेवण्यात आले आहे.