WTC Final Scenario : ॲडलेड कसोटी हरल्यानंतर टीम इंडिया फायनलमधून जाणार बाहेर? समजून घ्या संपूर्ण समीकरण
Australia vs India, 2nd Test : ऑस्ट्रेलियाविरुद्ध ॲडलेड कसोटी हरल्यानंतर टीम इंडिया WTC फायनलमध्ये कशी पोहोचेल? येथे संपूर्ण समीकरण समजून घ्या
WTC Final Scenario For Team India : ऑस्ट्रेलियाविरुद्ध ॲडलेडमध्ये सुरू असलेल्या दुसऱ्या कसोटीत टीम इंडिया पराभवाच्या उंबरठ्यावर आहे. भारतीय चाहत्यांना चमत्काराची आशा आहे, पण ज्या परिस्थितीत सामना आहे ते पाहता जिंकणे खूप कठीण दिसत आहे. याआधी भारताने पर्थमध्ये ऐतिहासिक विजय मिळवला होता, तेव्हा रोहित अँड कंपनी वर्ल्ड टेस्ट चॅम्पियनशिपच्या अंतिम फेरीत आपले स्थान सहज पक्के करेल असे वाटत होते, पण आता हा प्रवास सोपा होणार नाही.
टीम इंडियाला ॲडलेड कसोटीत पराभवाला सामोरे जावे लागले तर त्यांना WTC फायनलमध्ये प्रवेश करणे कठीण होईल. पण ऑस्ट्रेलियाविरुद्ध सुरू असलेली दुसरी कसोटी हरली तरी टीम इंडिया WTC फायनलच्या शर्यतीत कायम राहील.
ॲडलेड कसोटीत पराभव झाला तर काय होईल?
जर भारताने ॲडलेड कसोटी गमावली तर त्यांना डब्ल्यूटीसी पॉईंट टेबलमध्ये मोठा धक्का बसले. टीम इंडिया तिसऱ्या स्थानावर जाईल. वर्ल्ड टेस्ट चॅम्पियनशिपच्या अंतिम फेरीत पोहोचण्यासाठी रोहित आणि कंपनीला येथून आणखी 3 सामने जिंकणे आवश्यक आहे. आणि भारताला ऑस्ट्रेलियाविरुद्ध ते तीन सामने खेळायचे आहेत. याचा स्पष्ट अर्थ असा की भारताने उर्वरित तीन सामने जिंकले तर डब्ल्यूटीसी फायनलमधील आपले स्थान सहज पक्के होईल, पण ऑस्ट्रेलियाने ज्या प्रकारे पलटवार केला आहे ते पाहता हा प्रवास सोपा होणार नाही.
ऑस्ट्रेलियाही जाऊ शकतो बाहेर
वर्ल्ड टेस्ट चॅम्पियनशिपचे समीकरण प्रत्येक सामन्यासोबत बदलत जाईल. या शर्यतीत दक्षिण आफ्रिका आणि श्रीलंकेचे संघही आहेत. बॉर्डर गावसकर ट्रॉफीमध्ये ऑस्ट्रेलियाने भारताकडून 3 सामने गमावल्यास ते WTC फायनलच्या शर्यतीतूनही बाहेर पडेल आणि अशा परिस्थितीत WTC फायनल टीम इंडिया आणि दक्षिण आफ्रिका यांच्यात होईल.
WTC क्रमवारीत भारत अव्वल
सध्या वर्ल्ड टेस्ट चॅम्पियनशिपच्या क्रमवारीत भारत पहिल्या क्रमांकावर आहे. टीम इंडियाने या सायकमध्ये आतापर्यंत 15 सामने खेळले आहेत आणि 9 जिंकले आहेत आणि 5 गमावले आहेत. भारताची विजयाची टक्केवारी 61.11 आहे. दक्षिण आफ्रिका दुसऱ्या तर ऑस्ट्रेलिया तिसऱ्या स्थानावर आहे.
A masterclass from the hometown hero 👏#WTC25 | 📝#AUSvIND: https://t.co/MYRYlsMyq1 pic.twitter.com/EOCVm21hxi
— ICC (@ICC) December 8, 2024
हे ही वाचा -
महत्त्वाच्या बातम्या
