Rishabh Pant: टीव्ही राइट्स विकून ऑस्ट्रेलिया क्रिकेट मालामाल, पण ऋषभ पंतला का दिलं जातंय श्रेय?

Rishabh Pant: भारतात सर्वाधिक लोकप्रिय लीग आयपीएल प्रसारण हक्कांनी काही दिवसांपूर्वी चर्चेचा विषय ठरला होता. आयपीएलच्या टीव्ही हक्कांसाठी स्टार इंडियानं तर, डिजिटल हक्कांसाठी व्हायकॉम 18 नं हजारो कोटींची बोली लावली होती.

Rishabh Pant

Rishabh Pant: भारतात सर्वाधिक लोकप्रिय लीग आयपीएल प्रसारण हक्कांनी काही दिवसांपूर्वी चर्चेचा विषय ठरला होता. आयपीएलच्या टीव्ही हक्कांसाठी स्टार इंडियानं तर, डिजिटल हक्कांसाठी व्हायकॉम 18 नं हजारो कोटींची बोली लावली होती. यातच क्रिकेट ऑस्ट्रेलियाच्या (Cricket Australia) टीव्ही राइट्सनं सर्वांचं लक्ष वेधून घेतलंय. क्रिकेट ऑस्ट्रेलियाने येत्या सात वर्षांसाठी टीव्हीचे हक्क विकले आहेत, ज्यामध्ये स्टार इंडियानं भारताच्या प्रसारणासाठी हे कंत्राट घेतले आहे. दरम्यान, डिजिटल राइट्स विकून ऑस्ट्रेलिया क्रिकेट मालामाल झाला असला तरी, त्याचं श्रेय भारताचा युवा फलंदाज ऋषभ पंतला  (Rishabh Pant) दिलं जातंय.

मिळालेल्या माहितीनुसार, ऑस्ट्रेलिया क्रिकेटच्या टीव्ही प्रसारण हक्कांसाठी 350 मिलियन डॉलर रुपये दिले आहेत. सात वर्षाच्या करारात ऑस्ट्रेलियात होणारे सर्व क्रिकेट सामने ऍशेस मालिका, एकदिवसीय क्रिकेट आणि टी-20 सामन्यांचा समावेश आहे. याशिवाय, बिग बॅश लीगदेखील (पुरुष आणि महिला) स्टार इंडियावर पाहता येणार आहे.

पंतला श्रेय देण्यामागचं कारण काय? 
2022-2021 दरम्यान भारतीय संघानं ऑस्ट्रेलियाचा दौरा केला होता. या दौऱ्यातील पहिल्या सामन्याच्या पहिल्या डावात भारतीय संघ 36 धावांवर आटोपला. मात्र, त्यानंतर भारतानं जोरदार कमबॅक केलं. या मालिकेतील अखेरचा कसोट सामना गाबा येथे खेळण्यात आला. या सामन्यात दमदार फलंदाजी करत ऋषभ पंतनं स्वत:च्या जीवावर भारताला सामना जिंकवून दिला. स्टार इंडिया आणि क्रिकेट ऑस्ट्रेलिया यांच्यातील टीव्ही राइट्स करारानंतर ऑस्ट्रेलियन मीडियामध्ये ही खेळी लक्षात घेतली जात आहे.

द एजच्या अहवालात काय म्हटलंय?
द एजच्या रिपोर्टनुसार, क्रिकेट ऑस्ट्रेलियानं सोनी टीव्हीसोबत करार केला होता. त्यानंतर स्टार इंडियानं त्यापेक्षा मोठी ऑफर दिली. जेव्हाही ऑस्ट्रेलियन संघ भारतात येतो, तेव्हा सर्व सामने स्टारवरच दाखवले जातात. अशा परिस्थितीत ऑस्ट्रेलियात होणारे सामनेही या वाहिनीवर दाखवण्यात यावं, असा क्रिकेट ऑस्ट्रेलियाचा प्रयत्न होता.

भारत-ऑस्ट्रेलिया यांच्यात पाच-पाच सामन्यांची कसोटी मालिका
आगामी काळात भारत आणि ऑस्ट्रेलिया यांच्यात पाच-पास सामन्यांची कसोटी मालिका खेळली जाणार आहे. भारतीय वेळेनुसार, या सामन्यांना शेड्युल करण्याचा प्रयत्न आहे. कारण, पर्थ आणि भारताच्या वेळ जवळपास एकसारखाच आहे. महत्वाचं म्हणजे, सर्व सामने भारतीय वेळेनुसार दाखवल्यानंतर प्रेक्षकांच्या संख्येत भर पडू शकते. 

हे देखील वाचा-