SL vs AUS : रोमहर्षक सामन्यात श्रीलंकेचा ऑस्ट्रेलियावर विजय, वर्ल्ड रेकॉर्डही केला नावावर
Dasun Shanaka : श्रीलंकेचा कर्णधार दासून शनाका याने केलेल्या दमदार फलंदाजीच्या जोरावरच श्रीलंकेने ऑस्ट्रेलियावर चार गडी राखून विजय मिळवला.
AUS vs SL T20 Series :ऑस्ट्रेलिया आणि श्रीलंका (AUS vs SL) यांच्यात पार पल्लेकल येथे पार पडलेल्या तीन सामन्यांच्या टी20 मालिकेतील तिसरा सामना अत्यंत रोमहर्षक झाला. श्रीलंकेचा कर्णधार दासून शनाका याने केलेल्या दमदार फलंदाजीच्या जोरावरच श्रीलंकेने ऑस्ट्रेलियावर चार गडी राखून विजय मिळवला. मालिकेतील पहिले दोन सामने ऑस्ट्रेलियाने जिंकल्याने मालिका श्रीलंकेने गमावली, पण अखेरच्या सामन्यातील तुफान फटकेबाजीमुळे एक वर्ल्ड रेकॉर्ड नावे केला आहे.
अखेरच्या तीन षटकात ठोकले 59 रन
प्रथम फलंदाजी करताना ऑस्ट्रेलियाने 176 धावा करत श्रीलंकेसमोर 177 धावांचे लक्ष्य ठेवले होते. यावेळी श्रीलंकेच्या संघाने 17 ओव्हरपर्यंत केवळ 118 रन केले होते. सहा फलंदाजही तंबूत परतले होते. यावेळी अखेरच्या 3 षटकात श्रीलंकेला 59 धावांची गरज होती. त्यावेळी संघाचा कर्णधार दासून शनाका क्रिजवर होता. आधी 12 चेंडूत केवळ 6 रन करणाऱ्या दासूनने अखेरच्या तीन षटकात गिअर अप करत धमाकेदार फलंदाजी केली. त्याने तुफान स्ट्राईक रेटने रन केले. बघता बघता 18 व्या षटकात 22, 19 व्या षटकात 18 आणि अखेरचं षटक संपण्यापूर्वीच विजयासाठी आवश्यक 15 रन करत श्रीलंकेने सामना जिंकला. दरम्यान अखेरच्या तीन षटकात 59 धावांची खेळी करत श्रीलंकेने शेवटच्या तीन षटकात सर्वाधिक धावा करण्याचा रेकॉर्ड मोडत नवा रेकॉर्ड रचला. याआधी बिग बॅस लीग अर्थात ऑस्ट्रेलियन क्रिकट लीगमधील सिडनी सिक्सर्सचा 56 धावांचा रेकॉर्ड तोडला.
मालिकेत ऑस्ट्रेलिया विजयी
अखेरच्या सामन्यात श्रीलंकेने रोमहर्षक विजय मिळवत चार गडी राखून सामना नावे केला. पण त्याआधी पहिल्या टी20 सामन्यात ऑस्ट्रेलियाने 10 तर दुसऱ्या सामन्या 3 विकेट्सने विजय मिळवल्याने मालिकाही 2-1 च्या फरकाने नावे केली आहे.
हे देखील वाचा-
महत्त्वाच्या बातम्या
