Jasprit Bumrah : W,W,W,W....लंचनंतर मोठी उलथापालथ! जसप्रीत बुमराहसमोर ऑस्ट्रेलिया नतमस्तक, विकेटचं 'दुहेरी शतक' केलं पूर्ण!
भारतीय क्रिकेट संघाचा स्टार गोलंदाज जसप्रीत बुमराहने इतिहास रचला आहे.
Jasprit Bumrah Ind vs Aus 4th Test : भारतीय क्रिकेट संघाचा स्टार गोलंदाज जसप्रीत बुमराहने इतिहास रचला आहे. त्याने कसोटी क्रिकेटमध्ये विकेट्सचे द्विशतक पूर्ण केले. जसप्रीत बुमराहने दुसऱ्या डावात ऑस्ट्रेलियाचा स्टार फलंदाज ट्रॅव्हिस हेडला आऊट करून ही खास कामगिरी केली. कसोटी क्रिकेटच्या 148 वर्षांच्या इतिहासात कोणत्याही गोलंदाजाला जे जमले नाही ते भारतीय फलंदाजाने केले आहे. कसोटीत 20 पेक्षा कमी सरासरीने 200 बळी घेणारा बुमराह हा जगातील पहिला गोलंदाज आहे.
जसप्रीत बुमराहने पुन्हा एकदा भारतासाठी तेच केले आहे, ज्याची प्रत्येक भारतीय चाहत्याकडून अपेक्षा असते. बॉक्सिंग डे कसोटीच्या चौथ्या दिवशी सॅम कॉस्टन्सच्या रूपात भारताची पहिली विकेट मिळवणाऱ्या या गोलंदाजाने फॉर्मात असलेल्या ट्रॅव्हिस हेडला बाद करून विश्वविक्रम रचला. त्याला पहिल्या डावात खाते न उघडता पाठवण्यात आले आणि दुसऱ्या डावातही त्याने असाच चमत्कार केला.
कसोटीत अशी कामगिरी करणारा पहिला गोलंदाज
जसप्रीत बुमराहने ऑस्ट्रेलियाविरुद्धच्या चौथ्या कसोटीच्या दुसऱ्या डावात दुसरी विकेट घेत या फॉरमॅटमधील विकेट्सचे द्विशतक पूर्ण केले. 200 किंवा त्याहून अधिक विकेट घेतलेल्या जगातील कोणत्याही गोलंदाजाने 20 पेक्षा कमी सरासरीने विकेट घेतलेल्या नाहीत. जसप्रीत बुमराह हा जगातील पहिला असा गोलंदाज ठरला आहे. वेस्ट इंडिजच्या माल्कम मार्शलने 376 विकेट घेतल्या असून त्याची सरासरी 20.94 आहे.
जसप्रीत बुमराहसमोर ऑस्ट्रेलिया नतमस्तक
यावेळचा ऑस्ट्रेलिया दौरा जसप्रीत बुमराहसाठी सर्वोत्तम ठरला आहे, ज्यामध्ये कांगारू संघाचे फलंदाज त्याच्या चेंडूंचा सामना करताना आतापर्यंतच्या संपूर्ण मालिकेत संघर्ष करताना दिसले आहेत. मेलबर्न स्टेडियमवर खेळल्या जात असलेल्या बॉर्डर-गावसकर ट्रॉफी 2024-25 च्या चौथ्या दिवशी बुमराहसमोर ऑस्ट्रेलिया नतमस्तक झाले. लंचनंतर 91 धावांवर ऑस्ट्रेलियाला सहावा धक्का बसला. ज्यामध्ये बुमराहने चार विकेट्स घेतल्या आहेत.
पहिल्या स्पेलमध्ये सॅम कॉन्स्टन्सला (8) पॅव्हेलियनमध्ये पाठवल्यानंतर बुमराहने त्याच्या चौथ्या स्पेलमध्ये त्याच षटकात ट्रॅव्हिस हेड (1) आणि मिचेल मार्श (0) यांना बाद केले. यानंतर त्याने चौथ्या स्पेलच्या दुसऱ्या ओव्हरमध्ये ॲलेक्स कॅरीलाही बोल्ड केले. कॅरीला दोन धावा करता आल्या. ऑस्ट्रेलियाची एकूण आघाडी सध्या 196 धावांची आहे. या कसोटीत भारताने जबरदस्त पुनरागमन केले आहे.
हे ही वाचा -
महत्त्वाच्या बातम्या
ट्रेंडिंग न्यूज
