IPL 2025 Mega Auction : युजवेंद्र चहल अन् श्रेयस अय्यर एकाच टीममध्ये निवड, पण 'युझी'ची बायको धनश्री वर्मा सोशल मीडियावर ट्रोल
Dhanashree Verma Trolled After IPL Auction 2024 : युजवेंद्र चहल आणि श्रेयस अय्यर यांना एकाच आयपीएल संघाने विकत घेतलं आहे. मात्र, यानंतर चहलची पत्नी धनश्री सोशल मीडियावर ट्रोल होण्यास सुरुवात झाली आहे.
Shreyas Iyer Iyer and Yuzvendra Chahal in PBKS : इंडियन प्रीमियर लीग 2025 साठीचं मेगा ऑक्शन सौदी अरेबियामध्ये होत आहे. आयपीएल 2025 साठी लिलावात अनेक दिग्गज खेळाडूंवर मोठी बोली लागली आहे, तर काही खेळाडू स्वस्तात विकले गेले आहेत. आयपीएल फ्रेंचायझी त्यांच्या आवडत्या खेळाडूला संघात सामील करण्यासाठी मोठी बोली लावताना दिसत आहेत. काही खेळाडू एकापेक्षा एक विक्रमी किंमतीला विकले गेले आहेत. युझवेंद्र चहलसाठी आज 18 कोटींची बोली लागली. पंजाब किंग्स संघाने युझवेंद्र चहल याला संघात सामील केलं आहे. चहल आयपीएल लिलावात सर्वात महागडा विकला गेलेला तिसरा स्पिनर ठरला आहे.
आयपीएलमध्ये चहल अन् अय्यर एकाच संघात
भारतीय संघाचा अनुभवी फलंदाज श्रेयस अय्यरला आयपीएलच्या इतिहासातील दुसऱ्या क्रमांकाची सर्वाधिक बोली लागली. त्याला पंजाब किंग्सने 26.75 कोटी रुपयांना विकत घेतले आहे. त्याने मिचेल स्टार्कचा 24.75 कोटींचा विक्रमही मोडला. त्यामुळे आता युझवेंद्र चहल आणि श्रेयस अय्यर आता एकाच संघात खेळताना दिसणार आहेत. युझवेंद्र चहल आणि श्रेयस अय्यरला एकाच संघात स्थान मिळाल्यामुळे सोशल मीडियावर वेगळ्याच चर्चा सुरू झाल्या आहेत.
चहल आणि अय्यर पंजाब किंग्स संघात
Iyer and Chahal at PBKS.
— Dinda Academy (@academy_dinda) November 24, 2024
Finally Dhanashree will have a common team to cheer 🫡 pic.twitter.com/Alcsv6xISL
धनश्री वर्माबाबत सोशल मीडियावर मीम्स व्हायरल
युझवेंद्र चहल आणि श्रेयस अय्यर हे दोघेही उत्कृष्ट खेळाडू आहेत. दरम्यान, त्यांचं एकाच संघात खेळणं हा सोशल मीडियावर चर्चेचा मुद्दा बनला आहे. याचं कारण म्हणजे श्रेयस अय्यरचं नाव अनेकदा युझवेंद्र चहलची पत्नी धनश्री वर्माशी जोडलं गेलं आहे. यामुळे सोशल मीडियावर युझवेंद्र चहलबाबत अनेक मीम्स व्हायरल होत असतात. अनेकदा युझवेंद्र चहल आणि धनश्री वर्मा यांच्या नात्यात दुरावा आल्याच्या बातम्याची व्हायरल झाल्या होत्या आणि श्रेयस अय्यर हे यामागचे मुख्य कारण असल्याचे मानलं जात होतं. मात्र, या अफवा असल्याचं समोर आलं.
आता धनश्री वर्माचा पती युजवेंद्र चहल आणि श्रेयस अय्यर एकाच संघात खेळत असल्याने सोशल मीडियावर अनेक मीम्स व्हायरल होत आहेत. नेटकऱ्यांचं म्हणणं आहे की, आता धनश्रीला युझवेंद्र चहलला सपोर्ट करण्यात कोणतीही अडचण येणार नाही, कारण अय्यर देखील त्याच संघात आहे.
कोण आहे धनश्री वर्मा?
धनश्री वर्मा एक यूट्यूबर आहे. ती डान्सर, कोरिओग्राफर आणि एक सोशल मीडिया एन्फ्लूएंझरही आहे. यूट्यूबवर तिच्या डान्स व्हिडीओंनी लाखो व्ह्यूज मिळतात. तिचे सोशल मीडियावर मोठ्या प्रमाणात फॉलोअर्स आहेत. धनश्री अनेकदा लोकप्रिय बॉलिवूड गाण्यांचं नृत्यदिग्दर्शन करत व्हिडीओ पोस्ट करत असते.
😂 didn’t even noticed that
— Shashwat pandey (@Shashwa44085710) November 24, 2024
😂 😂
— Asadullah Farooquee 🇮🇳 (@asadfarooquee) November 24, 2024
खतरा बढ़ गया है 🤣🤭🤭
महत्त्वाच्या बातम्या
