India Vs Pakistan: भारताचे पाकिस्तानसमोर 152 धावांचे लक्ष्य
IND Vs PAK, T20 World Cup 2021 भारताकडून कर्णधार विराट कोहलीने सर्वाधिक 57 धावा केल्या आहेत.
India Vs Pakistan: टी-20 विश्वचषकाच्या (T20 World Cup 2021) 16 व्या सामन्यात आज भारत आणि पाकिस्तान (India Vs Pakistan) यांच्यात दुबईच्या आंतरराष्ट्रीय क्रिकेट स्डेडिअमवर (Dubai International Stadium) हा सामना सुरु आहे. या सामन्यात पाकिस्तानच्या संघाने नाणेफेक जिंकून भारताला प्रथम फलंदाजी करण्याचे आव्हान दिले होते. त्यानंतर फलंदाजी करण्यासाठी मैदानात उतरलेल्या भारतीय संघाने 20 षटकात 7 विकेट्स गमावून 152 धावा केल्या आहेत. पाकिस्तानच्या संघाला विजयासाठी 152 धावांचे लक्ष्य आहे. भारताकडून कर्णधार विराट कोहलीने सर्वाधिक 57 धावा केल्या आहेत.
नाणेफेक गमवल्यानंतर भारताकडून सलामी देण्यासाठी मैदानात आलेले रोहित शर्मा आणि केएल राहुल चांगली कामगिरी करता आली नाही. रोहित शर्माने शून्यावर त्याची विकेट्स गमावली. तर, केएल राहुलने 8 चेंडूत केवळ 3 धावा करून माघारी परतले. यांच्यापाठोपाठ सुर्यकुमार यादवही 11 धावा करून बाद झाला. त्यानंतर कर्णधार विराट कोहलीने ऋषभ पंतला सोबत घेत किल्ला लढवला. विराटने जबरदस्त अर्धशतकी खेळी करत पंतसोबत अर्धशतकी भागीदारी केली. आफ्रिदीने भारताच्या रोहित शर्मा आणि केएल राहुल यांना स्वस्तात तर डावाच्या शेवटी विराट कोहलीला तंबूत धाडले. विराट कोहलीने 49 चेंडूत सर्वाधिक 57 धावा केल्या. भारताने 20 षटकात 7 गडी गमावून 151 धाव्या केल्या.
पाकिस्तानच्या संघाकडून शाहीन आफ्रिदी 4 षटकात 3 विकेट्स पटकावून 31 धावा दिल्या आहेत. त्यानंतर हसन अलीनेही 2 विकेट्स मिळवले आहे. तसेच शदाब खान आणि हरीफ रौफ यांनी प्रत्येकी एक विकेट्स मिळाली आहे.
संबंधित बातम्या-
महत्त्वाच्या बातम्या
