IND vs SA : आज भारत आणि दक्षिण आफ्रिका (India vs South Africa) यांच्यात तिसरा टी20 सामना राजकोटच्या सौराष्ट्र क्रिकेट असोसीएशनच्या मैदानात ( Saurashtra Cricket Association Stadium Rajkot) खेळवला जात आहे. या सामन्यासाठी दोन्ही संघ सज्ज झाले असून भारत आज विजय मिळवून मालिकेती आपले आव्हान जिवंत ठेवण्याचा प्रयत्न करेल, तर दक्षिण आफ्रिका विजय मिळवून मालिकेत विजयी आघाडी घेण्याच्या तयारीत आहे. दोन्ही संघाना आज विजय अत्यंत महत्त्वाचा असल्याने एक चुरशीचा सामना आज पाहायला मिळू शकतो.

आजचा सामना होणाऱ्या मैदानाचा विचार करता या मैदानावर झालेल्या याआधीच्या सामन्यांत खेळपट्टी फलंदाजासाठी अधिक फायदेशीर ठरली आहे. त्यामुळे आज एक मोठी धावसंख्या उभी राहू शकते. याआधी या मैदानात केवळ दोन आंतरराष्ट्रीय सामने झाले असून या सामन्यातील धावसंख्या पाहता आजही एक चुरशीचा सामना पाहायला मिळू शकतो. त्यात फलंदाजीसाठी खेळपट्टी अनुकूल असल्याने नाणेफेक जिंकणारा संघ फलंदाजी घेऊन एक अत्यंत मोठे टार्गेट समोरच्या संघाला देण्याच्या तयारीत असणार आहे.

दोन्ही संघाची संभाव्य अंतिम 11

भारत - ईशान किशन, ऋतुराज गायकवाड, श्रेयस अय्यर, ऋषभ पंत (कर्णधार/विकेटकिपर), हार्दिक पांड्या, दिनेश कार्तिक, अक्षर पटेल, भुवनेश्वर कुमार, युजवेंद्र चहल, हर्षल पटेल, आवेश खान.

दक्षिण आफ्रिका - टेम्बा बावुमा (कर्णधार), रीझा हेंड्रिक्स, रॅसी व्हॅन डर ड्युसेन, डेव्हिड मिलर, हेनरिक क्लासेन (विकेटकिपर), ड्वेन प्रिटोरियस, वेन पारनेल, केशव महाराज, तबरेझ शम्सी, कागिसो रबाडा, एनरिक नॉर्खिया.

हे देखील वाचा-