Sangli Ashta EVM Scam : वाढला टक्का, सांगलीत खटका; मतदानामध्ये तफावत, राजकीय आफत Special Report

Sangli Ashta EVM Scam : वाढला टक्का, सांगलीत खटका; मतदानामध्ये तफावत, राजकीय आफत Special Report

मतदान पार पडतं. मग प्रत्येक बुथवरच्या मतदानाचे आकडे एकत्र केले जातात. त्यानंतर सर्व बुथवरील आकड्यांची बेरीज करून एकूण मतदान किती झालं, हे मोजलं जातं. हा आकडा स्थानिक प्रशासनाकडून जाहीर केला जातो. आदल्या रात्री हा आकडा वाचून राजकीय पक्षाचे नेते, कार्यकर्ते झोपी जातात. मात्र दुसऱ्या दिवशी सकाळी उठल्यानंतर अधिकृत वेबसाईटवर झळकणारा आकडा मात्र वेगळाच असतो. दोन्ही आकड्यात काही हजारांची तफावत असते. हे लक्षात आल्यावर सुरु होतो गोंधळ आणि राडा. असाच प्रकार घडलाय सांगली जिल्ह्यातल्या आष्टा शहरात. पाहूया, राजकीय शोलेचा हा खास रिपोर्ट. 

हा गोंधळ सुरु आहे सांगली जिल्ह्यातल्या आष्टा शहरात.

मंगळवारी नगरपरिषदेची निवडणूक पार पडल्यानंतर सगळी मतदानयंत्रं जिथं ठेवण्यात आलीयत, ते हे सभागृह. 

या ठिकाणी शरद पवारांच्या राष्ट्रवादी काँग्रेसचे आणि आष्टा शहरविकास आघाडीचे कार्यकर्ते जमा झाले आणि त्यांनी प्रशासनाला जाब विचारायला सुरुवात केली. 

गोंधळ होण्याची दोन कारणं होती. 

पहिलं कारण म्हणजे मतदानातली तफावत
आणि याबाबत उत्तर देण्यात प्रशासनाकडून होणारी टाळाटाळ.