Akola News: रूग्णालयातील ऑपरेशन थिएटरमध्ये मांसाचे गोळे; आरोग्य केंद्रात अवैध गर्भपात?, अमोल मिटकरींचा धक्कादायक आरोप
Akola News: अकोला जिल्ह्यातील तेल्हारा तालुक्यातल्या हिवरखेड येथील प्राथमिक आरोग्य केंद्रातील आरोग्य व्यवस्थेचा अक्षरश: बोजवारा उडालाय.
Akola News: अकोला जिल्ह्यातील तेल्हारा तालुक्यातल्या हिवरखेड येथील प्राथमिक आरोग्य केंद्रातील आरोग्य व्यवस्थेचा अक्षरश: बोजवारा उडालाय. केंद्र सरकारच्या आयुष्यान भारत योजनेत या आरोग्य केंद्राचा समावेश आहेय. या आरोग्य केंद्राला सरकारने 'आयुष्यमान आरोग्य मंदिरा'चा दर्जा दिलाये. मात्र, याच आरोग्य केंद्रात अवैध गर्भपात होत असल्याचा संशय खुद्द सरकारमधील घटकपक्ष असलेल्या राष्ट्रवादी काँग्रेस अजित पवार गटाचे आमदार अमोल मिटकरी (Amol Mitkari) यांनी केला आहे. या आरोग्य केंद्राचं 'स्टिंग ऑपरेशन'च अमोल मिटकरींनी केलंय.
रूग्णालयातील ऑपरेशन थिएटरमध्ये मांसाचे गोळे- ( Illegal abortion in health centre)
आमदार मिटकरींनी केलेल्या पाहणी आणि 'स्टिंग ऑपरेशन'मध्ये त्यांना रूग्णालयातील ऑपरेशन थिएटरमध्ये मांसाचे गोळे आढळलेत. त्यामूळे या आरोग्य केंद्रात अवैध गर्भपात होत असल्याची गंभीर आणि धक्कादायक आरोप आमदार अमोल मिटकरींनी केला आहे.हिवरखेड हे 40 हजार लोकसंख्येचं गाव आहे. येथील आरोग्य केंद्राशी सातपुड्याच्या पायथ्याशी असेलली जवळपास 35 आदिवासी खेडी आणि इतर गावं जोडलेली आहे. मात्र, इतक्या महत्वाच्या असलेल्या आरोग्य केंद्रात कोणत्याही आरोग्य सुविधा नाहीय. येथील कर्मचारी वेळेवर हजर रहात नसल्याची बाब त्यांच्या निदर्शनास आली. रूग्णालयातील यंत्रसामग्री बंद अवस्थेत धुळखात पडल्याची बाबही त्यांच्या निदर्शनास आली. यासोबतच रूग्णालयात घाणीचे प्रचंड साम्राज्य पसरलंय.
दोषींवर कठोर कारवाईची मागणी- (Akola News)
दरम्यान, या आरोग्य केंद्रात गर्भपाताच्या शक्यतेची सरकार आणि प्रशासनाने उच्चस्तरीय चौकशीची मागणी आमदार मिटकरी यांनी केली आहे. यासोबतच यातील दोषींवर कठोर कारवाईची मागणी आमदार मिटकरी यांनी जिल्हा परिषदेच्या मुख्य कार्यकारी अधिकाऱ्यासह आणि जिल्हा आरोग्य अधिकाऱ्यांकडे केली. आमदार मिटकरींच्या आरोपांवर सरकार आणि प्रशासन काय कारवाई करतेय?, याकडे सर्वांचेच लक्ष लागलं आहे.
राज्यासह देश-विदेशातील महत्वाच्या घडामोडी, VIDEO:
महत्त्वाच्या बातम्या
