Ind vs IRE- 1st Innings Highlights : हुडाचं शतक, तर संजूचं अर्धशतक, आयर्लंडसमोर 226 धावांचे आव्हान

IND vs IRE, 1st Innings Highlights: हुडा आणि सॅमसन यांच्या तुफान फटकेबाजीच्या जोरावर भारताने 225 धावा स्कोरबोर्डवर लावत आयर्लंडसमोर 226 धावांचे आव्हान ठेवले आहे. 

भारत विरुद्ध आयर्लंड

IND vs IRE, 2nd T20, Malahide Cricket Club Ground: भारत विरुद्ध आयर्लंड(India vs Ireland) सामन्याक भारताने अत्यंत तुफान फटकेबाजी करत एक बलाढ्य धावसंख्या उभारली आहे. त्यामुळे आता आयर्लंडला विजयासाठी 226 धावांची गरज आहे. सामन्यात भारताचे दोन्ही युवा खेळाडू दीपक हुडा आणि संजू सॅमसन (Sanju Samson and Deepak Hooda) यांनी अत्यंत तुफान फटकेबाजी करत एक भारतासाठी टी20 क्रिकेटमधील सर्वात मोठी भागिदारी उभारली. दोघांनी 176 धावांची भागिदारी केल्यामुळे भारताने इतकी मोठी धावसंख्या उभारली आहे.

सामन्यात नाणेफेक जिंकून भारताने प्रथम फलंदाजीचा निर्णय घेतला. यावेळी सलामीवीप ईशान अवघ्या तीन धावांवर बाद झाला. पण त्यानंतर मात्र दीपक हुडा आणि संजू सॅमसन या जोडीने अगदी धमाकेदार फलंदाजी करत चौफेर फटकेबाजी केली. यावेळी दीपकने अधिक आक्रमकपणे फलंदाजी केली तर संजूने त्याला साथ दिली. संजूने  42 चेंडूत 9 चौकार आणि 4 षटकारांच्या मदतीने 77 धावा केल्या. पण या दोघांशिवाय इतर खेळाडू मात्र खास कामगिरी करु शकले नाहीत. विशेष म्हणजे भारताने तीन खेळाडू शून्यावर बाद झाले. कार्तिक, अक्षर आणि हर्षल शून्यावर बाद झाले. आयर्लंडकडून मार्कने 3 तर जोशूवा आणि क्रेगने प्रत्येकी 2 विकेट्स घेतले.

हुडा-सॅमसन जोडीचा विक्रम

दीपक हुडा आणि संजू सॅमसन यांनी सामन्यात 176 धावांची भागीदारी उभारत एक मोठा विक्रम केला. त्यांनी भारतासाठी टी20 क्रिकेटमधील सर्वात मोठी भागिदारी केली आहे. दोघांनी 176 धावांची भागिदारी करत याआधीची रोहित शर्मा आणि केएल राहुल यांची 165 धावांच्या भागिदारीचा रेकॉर्ड मोडला आहे. विशेष म्हणजे सामन्यात दीपकने आपलं पहिलं वहिलं आंतरराष्ट्रीय टी20 शतक ठोकलं, तर संजूने पहिलं आंतरराष्ट्रीय अर्धशतक ठोकलं आहे.

हे देखील वाचा -