![metaverse](https://cdn.abplive.com/imagebank/metaverse-top.png)
India W vs Bangladesh W : भारतीय महिला संघाचा बांग्लादेशवर दणदणीत विजय, 110 धावांनी जिंकला सामना
Women World Cup India Vs Bangladesh : महिला विश्वचषक स्पर्धेत टीम इंडियाने बांगलादेशचा 110 धावांनी पराभव केला आहे.
![India W vs Bangladesh W : भारतीय महिला संघाचा बांग्लादेशवर दणदणीत विजय, 110 धावांनी जिंकला सामना ICC Womens World Cup 2022 IND W vs BAN W India beat Bangladesh by 110 runs at Seddon Park Hamilton India W vs Bangladesh W : भारतीय महिला संघाचा बांग्लादेशवर दणदणीत विजय, 110 धावांनी जिंकला सामना](https://feeds.abplive.com/onecms/images/uploaded-images/2022/03/22/150aaf758e9445501a15cb95f151c91f_original.jpg?impolicy=abp_cdn&imwidth=1200&height=675)
Women World Cup India Vs Bangladesh : हॅमिल्टन येथे झालेल्या महिला विश्वचषक (Women's World Cup 2022) स्पर्धेत भारतीय महिला संघाने बांगलादेशवर 110 धावांनी दणदणीत विजय मिळवला आहे. फिरकीपटू स्नेह राणाने बांगलादेशच्या फलंदाजांना कोंडीत पकडत महत्त्वाच्या चार विकेट्स घेतल्या. भारताने बांगलादेशला 230 धावांचे लक्ष्य दिले होते. विजयासाठी 230 धावांचा पाठलाग करताना बांगलादेशचा संघ 40.3 षटकांत अवघ्या 119 धावांत सर्वबाद झाला. सलमा खातूनने सर्वाधिक 32 धावा केल्या.
टीम इंडियाने नाणेफेक जिंकत पहिली फलंदाजी करण्याचा निर्णय घेतला. आधी फलंदाजी करण्याचा निर्णय घेत भारताने 50 षटकांत 7 बाद 229 अशी खेळी केली. यास्तिका भाटिया आणि शेफाली वर्मा तसेच ऋचा घोष यांच्या हॅमिल्टनमध्ये बांगलादेशविरुद्धच्या शानदार अर्धशतकी खेळीमुळे भारताला चांगली धावसंख्या गाठता आली. प्रथम फलंदाजी करताना, मिताली राजने चांगली सुरुवात केली.
शैफाली आणि स्मृती मानधना यांनीही सुरुवातीला चांगली खेळी केली. मात्र, बांगलादेशने स्मृती मानधना, शैफाली वर्मा आणि मिताली राज यांच्या तीन झटपट विकेट घेत भारताला बॅकफूटवर आणले. पुढे भारताने हरमनप्रीत आणि ऋचा घोष यांना गमावले पण यस्तिका भाटियाने मैदानावर टिकून दमदार अर्धशतक ठोकून भारताला शेवटी चांगली धावसंख्या गाठण्यास मदत केली.
स्पर्धेतील भारताची स्थिती
बांगलादेशविरुद्धचा सामना जिंकल्यानंतर भारत उपांत्य फेरीकडे एक पाऊल पुढे पोहोचला आहे. टीम इंडियाला बांगलादेशविरुद्धच्या सामन्यानंतर उरलेला एक सामनाही जिंकावा लागणार आहे. भारताने पुढील सामना जिंकल्यास टीम इंडिया उपांत्य फेरीत प्रवेश करेल.
महत्त्वाच्या इतर बातम्या :
- IPL 2022 : कर्णधार आणि माजी कर्णधार करतील आरसीबीकडून ओपनिंग, अशी असेल बंगळुरुची अंतिम 11
- गुजरातच्या संघासाठी खूशखबर! हार्दिक पांड्याने यो यो टेस्ट केली पास
- TATA IPL 2022: तब्बल 8 संघाकडून खेळला 'हा' खेळाडू, मेगा ऑक्शनमध्ये ठरला अनसोल्ड; अखेर कोलकात्यानं घेतलं विकत, चेन्नईविरुद्ध रचणार इतिहास
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)