Saif Ali Khan Accused Arrested : सैफ अली खानचा हल्लेखोर मोहम्मद आलियानला ठाण्यातून अटक

Saif Ali Khan Accused Arrested : सैफ अली खानचा हल्लेखोर मोहम्मद आलियानला ठाण्यातून अटक

 बॉलीवूड इंडस्ट्रीतील अभिनेता सैफ अली खान याच्यावर झालेल्या हल्लाप्रकरणात सध्या मुंबई पोलिसांचा तपास वेगाने सुरु आहे. मुंबई पोलिसांनी (Mumbai Police) शनिवारी रात्री आणखी एका आरोपीला अटक केल्याची माहिती समोर आली आहे. ठाण्यातील उच्चभ्रू अशा हिरानंदानी इस्टेटला (Hiranandani Estate Thane) लागून असणाऱ्या लेबर कॅम्पमधून मुंबई पोलिसांनी संशयित आरोपीच्या मुसक्या आवळल्या. या आरोपीचे नाव मोहम्मद अलियान असे आहे. त्याने सैफ अली खान (Saif Ali Khan) याच्यावर चाकूने हल्ला केला असावा, असा पोलिसांचा प्राथमिक संशय आहे. ठाण्यातील कासारवडवली हिरानंदानी परिसरात ही कारवाई करण्यात आल्याचे सांगितले जाते. आरोपी मोहम्मद अलियान (Mohhmad Alian) याची आता मुंबई पोलिसांकडून कसून चौकशी केली जाईल. यामधून सैफ अली खान याच्यावरील हल्ल्याचा अधिक तपशील समोर येण्याची शक्यता आहे.