(Source: ECI/ABP News/ABP Majha)
Champions Trophy 2025 : चॅम्पियन्स ट्रॉफीच्या तारखा बदलणार? PCB प्रमुख संतापले, हात टेकले
आयसीसी चॅम्पियन्स ट्रॉफी 2025 शी संबंधित मोठी माहिती समोर येत आहे. खरं तर, अलीकडेच मीडिया रिपोर्ट्समध्ये असा दावा करण्यात आला होता की पाकिस्तान क्रिकेट बोर्ड आयसीसी चॅम्पियन्स ट्रॉफीच्या तारखा बदलू शकते.
PCB On ICC Champions Trophy 2025 : आयसीसी चॅम्पियन्स ट्रॉफी 2025 शी संबंधित मोठी माहिती समोर येत आहे. खरं तर, अलीकडेच मीडिया रिपोर्ट्समध्ये असा दावा करण्यात आला होता की पाकिस्तान क्रिकेट बोर्ड आयसीसी चॅम्पियन्स ट्रॉफीच्या तारखा बदलू शकते. मात्र पाकिस्तान क्रिकेट बोर्डाने एक प्रसिद्धीपत्रक जारी करून सर्व अटकळ फेटाळून लावल्या आहेत. पाकिस्तान क्रिकेट बोर्डाने स्पष्टपणे सांगितले की, आयसीसी चॅम्पियन्स ट्रॉफीच्या वेळापत्रकात बदल करण्याचा प्रश्नच उद्भवत नाही. अशा विधानामुळे भारताने हायब्रीड मॉडेल स्वीकारल्याच्या अफवांना दणका दिला आहे.
पाकिस्तान क्रिकेट बोर्डाने म्हटले आहे की, काही प्रसारमाध्यमांनी पीसीबीचे अध्यक्ष मोहसीन नक्वी यांच्या विधानाचा उलटा अर्थ घेतला हे निराशाजनक आहे. या मीडिया रिपोर्ट्सचा हवाला देत असे सांगण्यात आले की, सुरक्षेच्या कारणास्तव आयसीसी चॅम्पियन्स ट्रॉफी 2025 च्या तारखांमध्ये बदल शक्य आहे. त्यानंतर लोकांमध्ये चुकीच्या बातम्या पसरल्या.
ते पुढे म्हणाले, 'मीडिया टॉकचा व्हिडिओ पीसीबीच्या अधिकृत यूट्यूब चॅनलवर उपलब्ध आहे. या व्हिडिओमध्ये पीसीबी अध्यक्षांनी स्पष्टपणे सांगितले आहे की, तिन्ही स्टेडियममध्ये सुरू असलेले काम निर्धारित वेळेत पूर्ण केले जाईल. यादरम्यान त्यांनी असेही सांगितले होते की, या बांधकामामुळे देशांतर्गत सामनेही स्थलांतरित केले जाऊ शकतात. याचा आयसीसी टूर्नामेंटशी काहीही संबंध नाही. पीसीबी चॅम्पियन्स ट्रॉफीच्या यजमानपदासाठी सज्ज आहे.
निवेदनात म्हटले आहे की, पाकिस्तानमधील तीन प्रतिष्ठित ठिकाणी जागतिक दर्जाची ICC चॅम्पियन्स ट्रॉफी 2025 चे आयोजन करण्यासाठी PCB पूर्णपणे वचनबद्ध आहे, जो आमच्या उत्कट क्रिकेट चाहत्यांसाठी एक खास क्षण असणार आहे. तुम्हाला सांगतो की चॅम्पियन्स ट्रॉफी पुढील वर्षी 19 फेब्रुवारी ते 9 मार्च या कालावधीत आयोजित केली जाणार आहे.
भारत चॅम्पियन्स ट्रॉफी खेळण्यासाठी पाकिस्तानात जाणार की नाही याबाबत अद्याप स्पष्टता नाही. आयसीसी भारतीय संघासाठी हायब्रीड मॉडेलला मान्यता देऊ शकते अशीही अटकळ बांधली जात आहे. मात्र चॅम्पियन्स ट्रॉफीचे सर्व सामने पाकिस्तानमध्येच खेळवले जातील, अशी भूमिका पीसीबीने आधीच स्पष्ट केली आहे. आता पुन्हा एकदा तारखा बदलण्यावर पीसीबीचे धारदार विधान चॅम्पियन्स ट्रॉफीमध्ये भारतासाठी चांगली बातमी नाही.
महत्त्वाच्या बातम्या
ट्रेंडिंग न्यूज
