Bhuvneshwar Kumar : IPL आधी मोठी घोषणा! भुवनेश्वर कुमारच्या गळ्यात पडली कर्णधारपदाची माळ, रिंकू सिंगलाही मिळाली संधी
आयपीएल 2025 चा मेगा लिलाव जवळ येत आहे, परंतु त्याआधी सय्यद मुश्ताक अली ट्रॉफी 2024 सुरू होणार आहे.
Bhuvneshwar Kumar for Syed Mushtaq Ali Trophy 2024-26 : आयपीएल 2025 चा मेगा लिलाव जवळ येत आहे, परंतु त्याआधी सय्यद मुश्ताक अली ट्रॉफी 2024 सुरू होणार आहे. या आगामी स्पर्धेसाठी उत्तर प्रदेशने आपला संघ जाहीर केला असून त्यात भुवनेश्वर कुमार, रिंकू सिंग, नितीश राणा आणि यश दयाल यांचाही समावेश करण्यात आला आहे. गेल्या वर्षी करण शर्माची यूपीच्या कर्णधारपदी नियुक्ती करण्यात आली होती, मात्र यावेळी भुवनेश्वर कुमार कर्णधारपदाची जबाबदारी सांभाळताना दिसणार आहे.
भुवनेश्वर कुमार संघाचे नेतृत्व करणार आहे, परंतु ध्रुव जुरेल यावेळी संघाचा भाग नसेल, जो बॉर्डर-गावसकर ट्रॉफी स्पर्धेसाठी ऑस्ट्रेलियाला रवाना झाला आहे. कर्णधार भुवनेश्वर कुमार बद्दल बोलायचे तर, तो शेवटचा यूपी टी-20 लीगमध्ये खेळताना दिसला होता, जिथे तो 11 सामन्यांमध्ये फक्त 7 विकेट घेऊ शकला होता. सय्यद मुश्ताक अली ट्रॉफी 2023 मध्ये उत्तर प्रदेशने उपांत्यपूर्व फेरी गाठली होती, जिथे त्यांना पहिल्या उपांत्यपूर्व फेरीत पंजाबकडून 5 विकेट्सने पराभव स्वीकारावा लागला होता. जर आपण यूपी संघाचे मूल्यांकन केले तर भुवनेश्वर व्यतिरिक्त चार खेळाडूंनी भारतासाठी आंतरराष्ट्रीय सामने खेळले आहेत.
Our best and brightest are ready for the #SyedMushtaqAliTrophy! Wishing them all the best, let’s bring it home boys. #SyedMushtaqAli #UPCricket #UPCA pic.twitter.com/e1EFLrInxJ
— UPCA (@UPCACricket) November 18, 2024
भुवनेश्वर कुमार 2014 ते 2024 पर्यंत सनरायझर्स हैदराबादकडून खेळला, परंतु हैदराबादने त्याला आयपीएल 2025 मेगा लिलावापूर्वी सोडले. त्याने आतापर्यंत 176 आयपीएल सामन्यांमध्ये 181 विकेट घेतल्या आहेत, त्यामुळे अनेक फ्रँचायझी त्याच्यावर बोली लावू शकतील. एसआरएचने 5 खेळाडूंना कायम ठेवून एकूण 75 कोटी रुपये खर्च केले आहेत. पॅट कमिन्स, ट्रॅव्हिस हेड, अभिषेक शर्मा, नितीश कुमार रेड्डी आणि हेनरिक क्लासेन अशी कायम ठेवलेल्या खेळाडूंची नावे आहेत.
सय्यद मुश्ताक अली ट्रॉफीसाठी यूपीचा संघ : भुवनेश्वर कुमार (कर्णधार), माधव कौशिक (उपकर्णधार), करण शर्मा, रिंकू सिंग, नितीश राणा, समीर रिझवी, स्वस्तिक चिकारा, प्रियम गर्ग, आर्यन जुयाल, आदित्य शर्मा, पियुष चावला, विप्रराज निगम, कार्तिकेय जैस्वाल, शिवम शर्मा, यश दयाल, मोहसीन खान, आकिब खान, शिवम मावी, विनीत पनवार.
हे ही वाचा -
महत्त्वाच्या बातम्या
ट्रेंडिंग न्यूज
