Father's Day 2024: फादर्स डे निमित्त अनुष्का शर्माची विराट कोहलीसाठी खास पोस्ट, फोटो शेअर करत म्हणाली...
Virat Kohli Father's Day: विराट कोहलीची पत्नी अभिनेत्री अनुष्का शर्मा हिनं फादर्स डे निमित्त एक फोटो सोशल मीडियावर पोस्ट केला आहे. यामध्ये विराट कोहलीला देखील टॅग करण्यात आलं आहे.
न्यूयॉर्क : टीम इंडियाचा दिग्गज फलंदाज विराट कोहली (Virat Kohli) सध्या टी 20 वर्ल्ड कपमध्ये खेळतोय. विराट कोहलीला यंदाच्या टी 20 वर्ल्ड कपमध्ये दमदार कामगिरी करता आलेली नाही. ग्रुप स्टेजच्या मॅचेसमध्ये त्याला केवळ 5 धावा करता आल्या आहेत. या पार्श्भूमीवर विराट कोहलीला पत्नी अनुष्का शर्मानं फादर्स डे ( Father's Day 2024 ) निमित्त खास गिफ्ट दिलं आहे. अनुष्का शर्मानं तिच्या इन्स्टाग्राम अकाऊंटवर एक फोटो शेअर केला आहे. यास तिनं कोहलीला टॅग करत तिच्या भावना व्यक्त केल्या आहेत. या पोस्टला चाहत्यांकडून चांगला प्रतिसाद मिळत आहे.
अनुष्का शर्मानं इन्स्टाग्रामवर एक पोस्ट शेअर केली आहे. यामध्ये एका पेंटिंगचा फोटो आहे. त्यातील पेपरवर पाय रेखाटण्यात आले आहेत. एक मोठ्या व्यक्तीचा पाय आणि लहान मुलाचा पाय त्यामध्ये रेखाटण्यात आला आहे. यासह हॅप्पी फादर्स डे असं लिहिण्यात आलं आहे. विराट कोहली आणि अनुष्का शर्माला वामिका आणि मुलगा अकाय अशी दोन मुलं आहेत. अनुष्का शर्माच्या पोस्टवर चाहत्यांनी चांगल्या प्रतिक्रिया व्यक्त केल्या आहेत. चाहते अनुष्का शर्माच्या पोस्टला लाईक करत आहेत. अनुष्का शर्मानं पोस्ट शेअर केल्यानंतर पहिल्या अर्ध्या तासात चार लाखांहून अधिक नेटकऱ्यांनी तिची पोस्ट लाईक केली होती.
अनुष्का शर्मानं बॉलिवूड मधून ब्रेक घेतल्याचं चित्र आहे. विराट कोहलीसोबत लग्न केल्यानंतर ती कुटुंबासाठी वेळ देत असल्याचं पाहायला मिळतं. मात्र, सोशल मीडियावर तिचे चाहते मोठ्या प्रमाणात आहेत. सोशळ मीडिया प्लॅटफॉर्म इन्स्टाग्रामवर अनुष्का शर्माला 6 कोटी 70 लाख लोक फॉलो करतात.
View this post on Instagram
विराट कोहली फॉर्ममध्ये परतणार
दरम्यान, विराट कोहली टी वर्ल्ड कपसाठी उशिरानं अमेरिकेत दाखल झाला होता. तो बांगलादेश विरुद्धचा सराव सामना खेळू शकला नव्हता. आयरलँड, पाकिस्तान आणि अमेरिकेविरुद्ध विराट कोहलीला दमदा कामगिरी करता आली नव्हती. भारत विरुद्ध कॅनडा मॅचमध्ये विराट कोहली पुन्हा फॉर्ममध्ये येईल अशी अपेक्षा होती. मात्र, पावसामुळं ती मॅच रद्द करावी लागली होती. आता सुपर 8 मध्ये विराट कोहलीच्या कामगिरीकडे सर्वांचं लक्ष लागलं आहे. सुपर 8 च्या लढती वेस्ट इंडिजमध्ये होणार आहेत. त्यामुळं विराट कोहलीला फॉर्म गवसल्यास भारताला त्याचा फायदा होऊ शकतो.
संबंधित बातम्या :
महत्त्वाच्या बातम्या
ट्रेंडिंग न्यूज
