Commonwealth Games 2022: एका मजुराच्या मुलाने जिंकले सुवर्णपदक, एकेकाळी करायचा शिवणकाम, अचिंता शेउलीचा संघर्षमय प्रवास

Commonwealth Games 2022: कॉमनवेल्थ गेम्स 2022 मध्ये अचिंता शेउली या खेळाडूने वेटलिफ्टिंगमध्ये भारतासाठी सुवर्णपदक जिंकले, परंतु या खेळाडूचे वैयक्तिक आयुष्य सोपे नव्हते..

Achinta Sheuli Profile

Commonwealth Games 2022 : सध्या राष्ट्रकुल खेळ सुरू आहेत. अशातच भारतीय वेटलिफ्टर अचिंता शेउलीने (Achinta Sheuli) भारतासाठी सुवर्णपदक पटकावले. स्नॅचमध्ये त्याने पहिल्या लिफ्टमध्ये 137 किलो वजन उचलले. तर दुसऱ्या लिफ्टमध्ये 139 किलोचा वजन  उचलले. यानंतर अचिंताने तिसऱ्या लिफ्टमध्ये 143 किलो वजन उचलले. क्लीन अँड जर्कमध्ये अचिंता शेउलीने दुसऱ्या प्रयत्नात 170 किलो वजन उचलले. अशाप्रकारे त्याने 313 किलो वजन उचलून सुवर्णपदक (Gold Medal) जिंकले. 2022 च्या राष्ट्रकुल स्पर्धेत भारताचे हे तिसरे सुवर्ण पदक आहे.

अचिंता शेउलीचा संघर्षमय प्रवास, शिवणकाम करायचा

अचिंता शेउलीचा जीवनप्रवास सोप्पा नव्हता. तसेच त्याची कथाही कोणत्या बॉलिवूड चित्रपटापेक्षा कमी नाही. वास्तविक, अचिंता शेउलीचे वडील मजुरीचे काम करायचे. याशिवाय अंचिता रिक्षाही चालवत असे. एवढेच नाही तर यानंतर अचिंता शेउलीने जरीचे काम केले. जरीचे काम करण्याबरोबरच त्यांनी अनेक छोटी कामे केली. तसेच शिवणकामही केले. 24 नोव्हेंबर 2001 रोजी पश्चिम बंगालमधील हावडा येथे जन्मलेल्या अचिंताचे वडील कुटुंबाचा उदरनिर्वाह करण्यासाठी रिक्षाचालक म्हणून काम करायचे. याशिवाय ते मजुरीही करायचे. अचिंताला 2011 मध्ये पहिल्यांदा वेटलिफ्टिंगची माहिती मिळाली. त्यावेळी अचिंता फक्त 10 वर्षांचा होता.

वडिलांच्या निधनामुळे परिस्थिती आणखी बिघडली

याशिवाय अचिंताचा मोठा भाऊ स्थानिक जिममध्ये प्रशिक्षण घेत असे. सर्वप्रथम त्यांना वेटलिफ्टिंगबद्दल सांगितले. वास्तविक, 2013 मध्ये अचिंताच्या वडिलांचे निधन झाले, त्यानंतर परिस्थिती बिकट झाली. वडिलांच्या निधनानंतर भाऊ आलोक हा कुटुंबातील एकमेव कमावता होता. त्याचवेळी अचिंताची आई पौर्णिमा यांनीही कुटुंबाचा उदरनिर्वाह करण्यासाठी छोटी-मोठी कामे केली.

सुवर्णपदक जिंकणारा दुसरा पुरुष खेळाडू

याआधी रविवारी जेरेमी लालरिनुंगाने वेटलिफ्टिंगमध्ये सुवर्णपदक जिंकून इतिहास रचला. बर्मिंगहॅम 2022 कॉमनवेल्थ गेम्समध्ये सुवर्णपदक जिंकणारा तो भारतातील पहिला पुरुष खेळाडू ठरला. त्याचबरोबर अचिंता सुवर्णपदक जिंकणारा दुसरा पुरुष खेळाडू ठरला आहे. 2022 च्या राष्ट्रकुल स्पर्धेत आतापर्यंत भारताला सहा पदके मिळाली असून सर्व पदके वेटलिफ्टिंगमध्ये आली आहेत.

हे देखील वाचा-