बाप्पाच्या आगमनाचवेळी उत्साही तरुणांचा उच्छाद, बसवर चढून डान्स

गणपती आगमण मिरवणुकीत उत्सवाला गालबोट लावणारे अनेक प्रकार घडल्याचं दिसून आलंय. या अशा अतीउत्साही तरुणांच्या दंडेलशाहीला पोलिस आणि सार्वजनिक मंडळं आळा घालणार का? असा प्रश्नं आता सर्वसामान्य विचारत आहेत.

लालबाग फ्लायओव्हर खालील डिव्हायडरवरील मधल्या जागेत करण्यात आलेल्या सुंदर कलाकृती तोडण्यात आल्या आहेत. त्यातच महाराष्ट्र पोलिसांना मानवंदना करणारा पोलिस गणवेशातील पुतळाही काही तरुणांनी तोडला आहे.

मुंबईत आज (रविवारी) मोठ्या गणेश मूर्तींचं वाजत गाजत आगमन झालं. मोठ्या गणेशमूर्तींचे कारखाने लालबाग आणि परळ परीसरातच असल्यामुळे डॉक्टर आंबेडकर मार्गावर मोठी गर्दी उसळली होती. या गर्दीतील काही अतिउत्साही तरुणांनी सार्वजनिक मालमत्तेचे मोठ्या प्रमाणावर नुकसान केलं आहे. या गर्दीवर नियंत्रण मिळवणं पोलिसांनाही कठिण जात होतं.

गणेश चतुर्थी आधीचा अखेरचा रविवार असल्यामुळे लालबागच्या रस्त्यावर गणपती आगमानासाठी मोठी रिघ लागली होती. या मिरवणुकीत काही अतीउत्साही तरुणांनी मिरवणुकीला गालबोट लावल आहे. या आगमन सोहळ्यात मुंबईतील मोठ्या मंडळांचा समावेश आहे.

लालबाग फ्लायओव्हर खालील डिव्हायडरवरील मधल्या जागेत करण्यात आलेल्या सुंदर कलाकृती तोडण्यात आल्या आहेत. त्यातच महाराष्ट्र पोलिसांना मानवंदना करणारा पोलिस गणवेशातील पुतळाही काही तरुणांनी तोडला आहे.