आयफोन 7, आयफोन 7 प्लसची भारतात विक्री सुरु

आयफोन 7 आणि आयफोन 7 प्लस आजपासून भारतात विक्रीसाठी उपलब्ध झाला आहे. अॅपलच्या चाहत्यांसाठी ऑनलाइन शॉपिंग वेबसाईट आणि अॅपलच्या अधिकृत डिलर्सने अनेक ऑफर दिल्या आहेत.

अमेझॉन देखील या स्मार्टफोनच्या खरेदीवर आपल्या प्राइम सर्व्हिस यूजर्सला 500 रुपयांचे गिफ्टकार्ड देणार आहे.

आयफोन 7 आणि 7 प्लसच्या प्री बुकींगवर अॅपल ऑथोराइज्ड रिसेलर रु. 10,000 कॅशबॅक ऑफर देत आहे. ही ऑफर 8 ऑक्टोबरपर्यंत लागू असणार आहे. Paytm ने देखील 7000 रु. कॅशबॅकची ऑफरची घोषणा केली आहे.

फ्लिपकार्ट आणि स्नॅपडीलवर आयफोन तुम्ही ईएमआयवरदेखील खरेदी करु शकता. 2910 रु. डाऊन पेमेंट करुन तुम्ही आयफोन 7 किंवा आयफोन 7प्लस विकत घेऊ शकता. त्यानंतर 3,967 रुपयाचे ईएमआय तुम्हाला भरावा लागणार आहे.

ऑनलाईन शॉपिंग वेबसाईट फ्लिपकार्टवर आयफोन 7 आणि आयफोन प्लसच्या खरेदीवर एक्सचेंज ऑफरही देणार आहे. एक्सचेंज ऑफरमध्ये ब्रॅण्ड व्ह्ल्यूनुसार 24,500 रुपयापर्यंत सूट मिळू शकते. तर अमेझॉनवर देखील 16,000 पर्यंत एक्सचेंज ऑफर देण्यात आली आहे.