लोकलमध्येच महिला प्रवाशांची दहीहंडी

हौशी महिला प्रवाशांनी लोकलमधल्या हँडललाच दहीहंडी बांधली. या हंडीने साऱ्याच प्रवाशांचं लक्ष वेधलं.

कर्जत-सीएसटी लोकलनं प्रवास करणाऱ्या महिलांनी ही गोकुळाष्टमी अनोख्या पद्धतीनं साजरी केली.

गोकुळाष्टमीच्या आदल्या दिवशी एका महिला प्रवाशाने ही दहीहंडी फोडली. सोशल मीडियावरही या अनोख्या दहीहंडीचे फोटो व्हायरल झाले आहेत.

दहीहंडीची सुट्टी नसली, तरी मुंबईतील चाकरमानी मागे राहणारे नाहीत. ऑफिसला जातानाही या सणाचा आनंद घेता यावा म्हणून चक्क लोकलमध्येच काही महिला प्रवाशांनी हंडी बांधली.