आंगणेवाडीतील भराडीदेवीच्या मंदिराला आकर्षक फुलांची सजावट

मालवण तालुक्यातील आंगणेवाडीच्या भराडी देवीची आज पासून यात्रेला सुरुवात झाली आहे. संपूर्ण राज्यातील लाखो भाविक देवीचे दर्शन करण्यासाठी अंगणेवाडीत दाखल झाले आहेत.

सध्या मंदिरात भजन आणि मंत्रोचाराने मंदिर परिसर अधिकच भक्तिमय झालाय.

आकर्षक रोषणाईनं भराडीदेवीचं मंदिर उजळून निघालं आहे . देवीचं मंदिर फुलांनी सजविले आहे. ही यात्रा दिड दिवसांची असून 9 लाखाहून अधिक भाविक देवीच्या दर्शनासाठी अंगणेवाडीला येतात.

नवसाला पावणारी आणि हाकेला धावणारी म्हणून भराडीदेवीची ख्याती आहे.

नवसाला पावणारी देवी असल्याने सामान्यांबरोबर राजकीय व्यक्तीचीही इथे रेलचेल असते.

या यात्रेचं विशेष म्हणजे भराडीदेवीच्या यात्रेची तारीख कोणत्याही कॅलेंडर किंवा पंचांगात सापडत नाही. देवीला कौल लावून यात्रेची तारीख ठरवली जाते.