In Pics : आयपीएलच्या रणांगणात नाही दिसणार पोलार्ड नावाचं वादळ, तब्बल 12 वर्षे मुंबई इंडियन्स गाजवल्यानंतर पोलार्डची IPL मधून निवृत्ती

Pollard in MI : जागतिक क्रिकेटमधील एक आघाडीचा टी20 क्रिकेटर कायरन पोलार्डने आयपीएलमधून निवृत्ती जाहीर केली आहे.

Kieron Pollard

कित्येक वर्षे आयपीएल स्पर्धेत मुंबई इंडियन्स संघातून अफलातून खेळी केल्यावर स्टार अष्टपैलू क्रिकेटर कायरन पोलार्डने आता निवृत्ती जाहीर केली आहे.

आगामी आयपीएल 2023 च्या मिनी ऑक्शनपूर्वी मुंबई इंडियन्सने पोलार्डला रिलीज केलं असून पोलार्डने एक भावूक पोस्ट शेअर करत आयपीएलमधून निवृत्ती जाहीर केली आहे.

मुंबई इंडियन्समध्ये नाही तर कोणत्याच संघात नाही असं स्पष्ट वक्तव्य करत 12 वर्षे मुंबईकडून खेळल्यानंतर पोलार्डने MI सह आयपीएलला अलविदा केला आहे.

“मुंबई इंडियन्समध्ये बदलांची गरज आहे. जर मी आता मुंबई इंडियन्सकडून खेळू शकलो नाही तर मी स्वतःला मुंबईविरुद्ध खेळतानाही पाहू शकत नाही. मी कायम मुंबईचाच राहणार आहे.''असं पोलार्डने त्याच्या पोस्टमध्ये लिहिलं आहे.

पोलार्ड टी20 क्रिकेटमधील एक महान क्रिकेटर म्हणून ओळखला जातो. त्याने आजवर अशा अनेक खेळी खेळल्या आहेत, ज्यात त्याने अगदी हातातून गेलेली मॅचही संघाला जिकंवून दिली आहे.

पोलार्डने आपली संपूर्ण आयपीएल कारकीर्द मुंबईसोबत घालवली असून 12 वर्षानंतर तो संघासह आयपीएलला अलविदा करत आहे.

मुंबई इंडियन्स आयपीएलमधील सर्वात यशस्वी संघ असून तब्बल 5 वेळा ट्रॉफी जिंकणाऱ्या मुंबईच्या विजयांत पोलार्डचा मोठा वाटा आहे.

पोलार्डने 171 डावात 3 हजार 412 धावा केल्या. आयपीएलमध्ये पोलार्डची फलंदाजीची सरासरी 28.67 होती, तर त्याच्या कारकिर्दीत स्ट्राईक-रेट 147.32 इतका होता. 16 अर्धशतके झळकावणाऱ्या पोलार्डला लीगमधील सर्वोत्तम फिनिशर मानले जाते.

पोलार्ड ऑनफिल्ड आपल्या साथीदारांसोबत अगदी खेळीमेळीच्या वातावरणात आजवर दिसून आला आहे.

फॅमिलीसोबतही पोलार्ड तितकाच अॅक्टिव्ह असतो. तो अनेक फोटो शेअर करत असतो, ज्यामध्ये त्याची फॅमिली दिसून येते.