Rohit Sharma : एलिमिनेटरमध्ये रोहितचा 'हिट'शो! ठोकली अनोखी 'ट्रिपल सेंच्युरी' अन् आयपीएलमध्ये असे करणारा पहिलाच भारतीय खेळाडू

GT vs MI Eliminator Rohit Sharma : इंडियन प्रीमियर लीगच्या इतिहासात असे करणारा तो पहिला भारतीय खेळाडू ठरला आहे.

Rohit Sharma GT vs MI Eliminator

रोहित शर्माने आयपीएल 2025 च्या एलिमिनेटर सामन्यात 'ट्रिपल सेंच्युरी' ठोकली आहे.

इंडियन प्रीमियर लीगच्या इतिहासात असे करणारा तो पहिला भारतीय खेळाडू ठरला आहे.

प्रत्यक्षात 'हिटमॅन' रोहित शर्माने गुजरात टायटन्सविरुद्धच्या एलिमिनेटर सामन्यात आयपीएलमध्ये 300 षटकार मारण्याचा विक्रम केला.

एलिमिनेटर सामना सुरू होण्यापूर्वी रोहितने त्याच्या ऐतिहासिक आयपीएल कारकिर्दीत 298 षटकार मारले होते, आता गुजरातविरुद्ध 2 षटकार मारून तो '300 सिक्स क्लब'मध्ये सामील झाला.

यासोबत रोहितने आयपीएलमध्ये 7,000 धावा पूर्ण केल्या आहेत.

आयपीएलमध्ये सर्वाधिक षटकार मारण्याबद्दल बोलायचे झाले तर, हा विक्रम क्रिस गेलच्या नावावर आहे, ज्याने त्याच्या कारकिर्दीत 357 षटकार मारले आहेत.

त्याच्यानंतर, रोहित शर्मा 300 षटकार मारणारा दुसराच खेळाडू ठरला आहे.