Kalyan Accident : कल्याणच्या गांधारी पुलावर भीषण अपघात, डंपर कठडा तोडून नदीत कोसळला, महिलेचा जागीच मृत्यू

Kalyan Accident : कल्याणच्या गांधारी पुलावर भीषण अपघात झाला आहे. डंपरने रिक्षाला जोरदार धडक दिल्यानंतर डंपर पुलाचे कठडे तोडून नदीत कोसळला.

Kalyan Accident

कल्याण पश्चिम येथील गांधारी पुलावर भीषण अपघात झालाय.

रिक्षाला धडक देऊन डंपर पुलाचे कठडे तोडून नदीत कोसळला.

या अपघातात एका महिलेचा जागीच मृत्यू तर एक जण गंभीर जखमी झाला आहे.

जखमीला कल्याणच्या खाजगी रुग्णालयात उपचारांसाठी दाखल करण्यात आले आहे.

बापगाववरून निलेश वानखेडे हा रिक्षचालक आपल्या आईला कल्याणला रिक्षाने घेऊन जात होता.

यावेळी कल्याण पश्चिम येथील गांधारी पुलावर डंपरने रिक्षाला जोरदार धडक दिली.

यात रिक्षा चालकाची आई मंगल वानखेडे हिचा जागीच मृत्यू झाला.

रिक्षाचालक निलेश वानखेडे गंभीर जखमी झाला आहे.

हा अपघात एवढा भीषण होता की, रिक्षाचा अक्षरशः चक्काचूर झाला आहे.

रिक्षाला धडक दिल्यानंतर डंपर पुलाचे कठडे तोडून नदीत कोसळला आहे. घटनास्थळी कल्याण खडकपाडा पोलीस दाखल झाले आहेत.