बदलापुरात केमिकल कंपनीत भीषण स्फोट, मोठी आग; अग्निशमन दलाच्या 10 गाड्या पोहचल्या

ठाणे जिल्ह्यातील बदलापूर पूर्व मधील एका केमिकल कंपनीला भीषण आग लागल्याची घटना घडली. या आगीसंदर्भात माहिती मिळताच अग्निशमन दलाच्या गाड्यांनी घटनास्थळी धाव घेतली.

Badlapur chemical company fire

ठाणे जिल्ह्यातील बदलापूर पूर्व मधील एका केमिकल कंपनीला भीषण आग लागल्याची घटना घडली. या आगीसंदर्भात माहिती मिळताच अग्निशमन दलाच्या गाड्यांनी घटनास्थळी धाव घेतली.

एमआयडीसीमधील येथील पॅसिफिक कंपनीत स्फोट होऊन भीषण आग लागल्याची घटना घडली.

आगीच्या घटनेनंतरही येथे मोठे स्फोट होत असून आगीवर नियंत्रण मिळवण्यासाठी 8 ते 10 अग्निशमन दलाच्या गाड्या घटनास्थळी दाखल झाल्या आहेत.

आगीवर नियंत्रण मिळवण्यात अग्निशमन दलाच्या जवानांचे प्रयत्न सुरू आहेत.

आगीच्या घटनेनंतर एमआयडीसी परिसरातील नागरिकांना आणि जवळच असलेल्या कामगारांना सुरक्षितस्थळी हलवण्यात आले आहे. अद्याप आगीचे कारण अस्पष्ट आहे.

आगीच्या धुराचे लोट दूरपर्यंत दिसून येत असल्याने स्थानिकांनीही कंपनीकडे, आग लागल्याच्या ठिकाणी धाव घेतली आहे.

दरम्यान, आगीत झालेल्या नुकसानीसंदर्भात आणि जीवितहानीबाबतही कुठलही अधिकृत माहिती समोर आली नाही, मात्र स्फोटाने येथील परिसर हादरला आहे