Sky Dining : काय नजारा अन् काय ते हॉटेल! 120 फुटांवर बसून घ्या जेवणाचा आनंद

आज आम्ही तुम्हाला एक अशा हॉटेलबद्दल सांगणार आहोत. जे महाराष्ट्रात तुम्ही कुठं पाहिलं ही नसेल, अनुभवलं ही नसेल.  पिंपरी चिंचवड आणि हिंजवडी लगतच्या कासारसाई धरणावर हे हॉटेल आहे.

Sky Dining Hotel Pune Pimpari Chinchwad

Sky Dining : आपण अनेक प्रकारचे हॉटेल्स पाहतो. कुठं बुलेट थाळी तर कुठे वेगवेगळ्या स्किमा असतात.

पुणेकर यात आघाडीवर असतातच. मात्र थरार अनुभवत तुम्ही कधी जेवणाचा आस्वाद घेतलाय का?

तुम्ही बऱ्याच ठिकाणी जेवणाचा आस्वाद घेतला असेल. खानावळ, ढाबा, साधे हॉटेल, अगदी पंचतारांकित हॉटेलमध्ये ही तुम्ही गेलेला असाल. परंतु आज आम्ही तुम्हाला एक अशा हॉटेलबद्दल सांगणार आहोत.

जे महाराष्ट्रात तुम्ही कुठं पाहिलं ही नसेल, अनुभवलं ही नसेल.

 पिंपरी चिंचवड आणि हिंजवडी लगतच्या कासारसाई धरणावर हे हॉटेल आहे.

हॉटेलमध्ये गेल्यावर खुर्चीवर खवय्ये बसलेले दिसतात पण खवय्यांना सीट बेल्ट लावला जातो.

हॉटेलमध्ये आलेत, खुर्चीवर बसलेत मग सीटबेल्ट कशासाठी? याच प्रश्नाचं उत्तर तुम्हाला पुढच्या काही सेकंदात मिळतं.

कारण तुम्ही बसलेली खुर्ची आणि टेबल थेट 120  फूट उंचीवर पोहोचतो अन् मग दिसतो 360 डिग्री व्ह्यू.

या हॉटेलला स्काय डायनिंग असं म्हटलं जातं.  पिंपरी चिंचवड आणि हिंजवडी लगतच्या कासारसाई धरणावर हा नजारा तुम्ही पाहू शकता.

अतिशय विहंगम आणि नयनरम्य असं हे दृश्य आणि याच वातावरणात अनेक खवय्ये रोज पोहोचतात.