Youth Congress Posters : पंतप्रधान मोदींच्या पुणे दौऱ्याविरोधात युवक काँग्रेसकडून ठिकठिकाणी पोस्टर्स

युवक काँग्रेसकडून पंतप्रधान नरेंद्र मोदींच्या पुणे दौऱ्याच्या विरोधात अलका चौक, संभाजी महाराज पुतळा, बालगंधर्व चौक, शनिवारवाडा इत्यादी ठिकाणी पोस्टर्स लावण्यात आले आहेत.

Pune Youth Congress Posters

पंतप्रधान नरेंद्र मोदी 1 ऑगस्ट रोजी पुण्याच्या दौऱ्यावर आहेत.

शरद पवार यांच्या उपस्थितीत उद्या पंतप्रधान मोदींना लोकमान्या टिळक राष्ट्रीय पुरस्कार प्रदान करण्यात येणार आहे.

परंतु पंतप्रधान मोदींना पुरस्कार देण्याला आणि त्यांच्या पुणे दौऱ्याला विरोध होत आहे.

त्यातच युवक काँग्रेसकडून पंतप्रधान नरेंद्र मोदींच्या पुणे दौऱ्याच्या विरोधात पोस्टर्स लावण्यात आले आहेत.

पुण्यातील अलका चौक, संभाजी महाराज पुतळा, बालगंधर्व चौक, शनिवारवाडा इत्यादी ठिकाणी हे पोस्टर्स लावले आहेत.

देश जळत असताना पुरस्काराच्या मेजवान्या कशासाठी, असा सवाल या पोस्टरच्या माध्यमातून विचारण्यात आला आहे.

तसंच 'मन की बात बंद करो, मणिपूर की बात करो...', 'मि. प्राईम मिनिस्टर गो टू मणिपूर, फेस द पार्लमेंट' असा मजकूर देखील या पोस्टरवर आहे.