Nashik Accident : राहुड घाटात टँकर उलटल्याने गॅस गळती, एकाचा मृत्यू, गळती रोखण्याचे युद्धपातळीवर प्रयत्न

Nashik Accident : मुंबई - आग्रा महामार्गावर चांदवडच्या राहुड घाटात काल रात्री गॅस टँकरचा अपघात होऊन गॅस गळती सुरू झाली आहे.

Nashik Accident

मुंबई-आग्रा राष्ट्रीय महामार्गावरील चांदवच्या राहूड घाटामध्ये भारत गॅसच्या बुलेट टँकरला ट्रकने कट मारल्याने गॅस टँकर उलटला आहे.

अपघातामुळे टँकरमधून गॅसची गळती सुरू झाली आहे.

मुंबई-आग्रा महामार्गावरून मालेगावकडे जाणारी सर्व वाहतूक मनमाडमार्गे वळवण्यात आली आहे.

तर मालेगावकडून येणारी वाहतूक चिंचवे उमराणे दरम्यान बंद करण्यात आली आहे.

दोन्ही बाजूची वाहतूक मनमाडमार्गे वळविण्यात आलेली आहे.

गॅस गळती थांबवण्यासाठी मनमाड, सिन्नर येथून पथक रवाना आले आहे.

घटनास्थळावर अग्निशमन दलाचे बंब सज्ज ठेवण्यात आले आहे.

सोमाटोल कंपनीचे कर्मचारी आणि पोलीस कर्मचारी देखील घटनास्थळी दाखल झालेले आहे.

गॅस गळतीमुळे टँकरवर पाण्याचा मारा करण्यात येत असून सकाळपासून गॅस गळती रोखण्याचा प्रयत्न करण्यात येत आहे.

तर गॅस टँकरमधल्या एका व्यक्तीचा मृत्यू झाल्याचे सांगण्यात आले आहे. गॅस गळतीमुळे आजू बाजूच्या गावांना तसेच रस्त्यावरील ढाबा चालकांना सतर्कतेच्या सूचना देण्यात आल्या आहे.